होल्डिङ सेन्टरमा ‘न्यानो सहयोग’द्वारा प्याड वितरण र वाईफाई फ्रि

  प्रकाशित मिति
३ असार २०७७, बुधबार २१:११


मेचीनगर । भारतबाट सीमा नाका मेचीपुलमा आएका नेपाली महिलाहरुलाई ‘न्यानो सहयोग’ले बुधबारदेखि स्यानिटरी प्याड वितरण गर्न शुरु गरेको छ ।

काँकरभिट्टा रोट्याक्ट क्लब र रोट्याक्ट क्लब अफ बिर्तामोड मिडटाउनको संयुक्त अगुवाईमा ‘न्यानो सहयोग’ले उनीहरुका लागि स्यानिटरी प्याड वितरण गरेको हो ।

नेपाली सेनाको नयाँ श्रीनाथ गण चारआली, मेचीनगर र स्वास्थ्य कार्यालय झापाको संयुक्त टोलीले काँकरभिट्टाको मैदानमा भारतमा कोरोनाको अति जोखिम जिल्लाबाट आउने नेपाली नागरिकहरुको आरडीटी परीक्षण गरिरहेको छ ।

आरडीटी परीक्षणका क्रममा होल्डिङ स्किनिङ सेन्टरमा रहेका महिलाहरुलाई ‘न्यानो सहयोग’ का स्वयम सेवकहरुले स्यानिटरी प्याड दिन शुरु गरेको काँकरभिट्टा रोट्याक्ट क्लबका अध्यक्ष बिमर्श श्रेष्ठले बताए ।

स्वयम सेवकहरुले स्यानिटरी प्याडसहित कोरोनाको जोखिमबाट बच्ने उपायका बारेको प्रचार सामग्रीसमेत वितरण गरेका छन् ।

त्यसैगरी ‘न्यानो सहयोग’ले सेन्टरमा रहेका उनीहरुको सुविधाका लागि वाईफाई फ्रि गरिदिएको क्लबका सल्लाहकार सुजन प्रधानले जानकारी दिए ।

एक जना व्यक्ति बराबर ९० मिनेटसम्म कुराकानी गर्ने गरी वल्ड लिंकको सहयोगमा इन्टरनेटको वाईफाई फ्रि गरिदिएको उनले बताए । विहीबारदेखि चार्जीङ बोर्ड समेत राखिदिने क्लबले जनाएको छ ।

आरडीटी परीक्षण हुन्जेलसम्म सेन्टरमा बसेका नेपाली नागरिकहरुका लागि स्यानिटरी प्याड र वाईफाई फ्रि हुने ‘न्यानो सहयोग’का संयोजक सन्नी गोयलले बताए ।

मेचीनगर र बिर्तामोड नगरका क्वारेन्टाइमा बसेका महिलाहरुका लागि स्यानिटरी प्याड वितरण गर्ने योजना रहेको गोयलको भनाई छ ।

।। अर्जुन कार्की ।।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक : अर्जुन कार्की
सम्पादक: अम्विका भण्डारी
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: