नारी सञ्चारगृहको अक्षयकोषमा २२ लाख, लक्ष्यको नजिक

  प्रकाशित मिति
३० भाद्र २०७८, बुधबार १९:४२


विर्तामोड, ३० भदौ । झापाली महिला पत्रकारहरुको छाता सङ्गठन नारी सञ्चारगृहले स्थापना गरेको नारी सञ्चार प्रोत्साहन अक्षयकोषमा २२ लाख रुपैयाँ  जम्मा भएको छ ।

तीन वर्षअघि २५ लाख रुपैयाँ पुर्‍याउने लक्ष्यसहित स्थापना गरेको अक्षयकोषमा स्थानीय तह र विभिन्न दाताको सहयोगमा सो रकम जम्मा भएको संस्थाकी अध्यक्ष भीमा शिवाकाटीले बताइन् । काठमाडौँदेखि बाहिर जिल्लामा महिला सङ्गठित भएर स्थापना गरेको यो पहिलो पत्रकार महिलाको छाता सङ्गठन भएको उनको दाबी छ ।

विसं २०६९ मा जिल्ला प्रशासन कार्यालय झापामा दर्ता भएको संस्थामा हाल ५२ जना पत्रकार महिला आवद्ध छन् । संस्थाले विगतदेखि नै महिलाको क्षमता अभिवृद्धिका लागि प्रदेश तथा जिल्लास्तरीय तालिम सञ्चालन गर्दै आएको छ ।

रेडियो, अनलाइन, पत्रिका र टेलिभिजनमा काम गर्दै आएका महिलालाई पत्रकारिता पेशामा टिकाइ राख्न, उनीहरुलाई दक्ष बनाउन र प्रोत्साहनस्वरुप पुरस्कार प्रदान गर्नका लागि संस्थाले अक्षयकोष स्थापना गरेको अध्यक्ष शिवाकोटीको भनाइ छ ।

“हामी लक्ष्यको नजिक पुगेका छौं”, उनले भनिन् “दुई तीन महिनाभित्रमा अक्षयकोषमा रु २५ लाख पुग्ने निश्चित भइसकेको छ । अब पत्रकार महिलालाई नै लक्षित गरेर आकर्षक पुरस्कार स्थापना गछौं ।”

उनले कोभिड १९ को सङ्क्रमणबाट धेरै पत्रकार महिलाले रोजगारी गुमाउनु परेको, काम गरिरहेका पत्रकारले पारिश्रमिक नपाइरहेको हुँदा उनीहरुलाई सम्बन्धित मिडिया हाउससँग समन्वय गरेर पारिश्रमिक दिलाउने र रोजगार गुमेका पत्रकारलाई स–सम्मान पुर्नवहालीका लागि संस्थाले पहल गरिरहेको बताइन् ।

संस्थाकी संस्थापक अध्यक्ष सावित्रा दाहालले छोटो समयमै संस्थाले उल्लेखनीय प्रगति गरेको बताए । उनले पत्रकारिता पेशा चुनौतीपूर्ण रहेको बताउँदै मोफसलको पत्रकारितालाई गुणस्तरीय र प्रभावकारी बनाउन संस्थाले पहल गर्नुपर्ने बताइन् । उनले अधिकांश पत्रकारिता औपचारिकतामै सीमित रहेको बताउँदै भनिन्, “खोज तथा अनुसन्धानमूलक समाचारतर्फ मोफसलका पत्रकार महिलालाई यो संस्थामार्फत अब्बल र दक्ष बनाउन प्रेरित गरिन्छ ।”

नेपाल प्रेस युनियनकी जिल्ला सभापति इन्दु पूर्वेलीले पत्रकारिता महिलाका लागि चुनौती र अवसर दुवै भएको बताए । उनले सञ्चारमा सहभागिता बढाउन, पत्रकार महिलाको भौतिक र पेशागत सुरक्षा गर्न यो संस्थाको विशेष भूमिका रहनुपर्ने बताइन् ।

रेडियो विराटकी प्रबन्ध निर्देशक लीला अनमोलले पत्रकार महिलाको लागि यो जिल्लाको मात्र नभइ देशकै एउटा गौरवको संस्था भएको बताइन् । उनले पत्रकार महिलाको क्षमता अभिवृद्धि तथा नेतृत्व विकासमा समेत सहयोग पुगेको बताउँदै नयाँ पुस्तालाई समेत संस्थाले प्रोत्साहन गर्न ठूलो मद्दत पुगेको बताइन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
डाउनलोड गर्नुहोस्
हाम्रो फेसबुक पेज
%d bloggers like this:
%d bloggers like this: