दिनेशको पाँच वर्षीय एक छोरा रिदम र एक वर्षीया छोरी दिपीका अहिले पनि बुवा घर आउनुहोला भनेर बाटो कुरिरहेका छन् । उहाँकी ३० वर्षीया पत्नी जान्ती र ५५ वर्षीया आमा सपना राजबंशीको आँखाबाट आँशु ओभाएका छैनन् । वुवा मंगलु राजबंशीको तीन वर्ष अघि निधन भइसकेको छ ।

भदौ २४ गते आन्दोलनका क्रममा १२ वटा पालिका, ५५ वटा वडा कार्यालय, ३७ निजी आवास, दुई वटा भन्सारसहित १० वटा संघीय कार्यालय, तीन वटा प्रादेशिक कार्यालय, नौ वटा इलाका प्रहरी कार्यालय, राजनीतिक दलका आठ वटा पार्टी कार्यालयमा आगजनी र तोडफोड भएको छ ।

त्यत्रो आन्दोलन, त्यत्रो आक्रोश, त्यत्रो आवेग र जे पनि हुनसक्ने प्रतिकूल परिस्थितिसँग जुध्दै नगर प्रहरी र दमकलका कर्मचारीहरुले दमकल, स्वास्थ्य शाखाको भवन, कृषि शाखाको भवन र नगरको सभा हल भने जोगाउन सफल भएका छन् । भिडेर होस् या आन्दोलनकारीलाई सम्झाएर, उनीहरुले नगरपालिकाभित्र रहेको लगभग आधाजति भौतिक संरचना जोगाएका छन् ।