आफ्नै जिल्लाको क्वारेन्टाइनमा बस्ने गरी पठाइयो ः सिडीओ (फोटो फिचर) - Loktantra Post Loktantra Post
                                                                                                                                                                                                                           

आफ्नै जिल्लाको क्वारेन्टाइनमा बस्ने गरी पठाइयो ः सिडीओ (फोटो फिचर)

।। अर्जुन कार्की ।।

मेचीनगर । झापाका प्रमुख जिल्ला अधिकारी उदयबहादुर रानाले भारतको सीमा नाका पानीट्याङ्कीबाट लुकिछिपि मेचीपुल आएका नेपाली नागरिकहरुलाई सम्बन्धीत जिल्लाको क्वारेन्टाइनमा बस्ने गरी नेपाल भित्राएको बताएका छन् ।

सिडीओ रानाले सीमा नाकाबाट मेचीपुल आएका नेपाली नागरिकहरुलाई सम्बन्धीत जिल्लाको क्वारेन्टाइनमा बस्ने गरी पत्र थमाएर पठाउने गरिएको बताए ।

भारतका विभिन्न ठाउँबाट सयौँको संख्यामा नेपालीहरु आएर मेचीपुलमा बस्न थालेका छन् ।

स्थानीय सरकार, जिल्ला प्रशासन कार्यालय, सुरक्षाकर्मीको पहलमा निजी बस तथा माइक्रोहरु मेची पुलमा नै पुगेर उनीहरुलाई सम्बन्धीत जिल्ला पुर्याउन थालिएको छ ।

मेचीनगरमा उनीहरुलाई आरडीटी र पीसीआर टेष्ट गरेर लाने व्यवस्थापन गर्न मुस्किल भएकोले सम्बन्धीत पालिकालाई पत्र लेखेर क्वारेन्टाइनमा राख्न अनुरोध गरिएको सिडीओ रानाको भनाई छ ।

‘भारतबाट आएका नेपालीहरुले आरडीटी र पीसीआर चेकजाँच गर्न पनि मानेका छैनन्’, सिडीओ रानाले भने–‘हामी आफ्नै पालिकामा कोरोना जाँच गछौँ भनेकाले तत्काल मेची पुलबाटै सम्बन्धीत ठाउँ पुर्याइने व्यवस्था गरेका छौँ ।’

मेचीपुलमा अलपत्र परेका करिव ५ सयमध्ये ३ सय जना नेपालीलाई मङ्गलबार साँझसम्म १० वटा बसमा चढाएर सम्बन्धीत जिल्ला पठाइने जनाउको छ । बाँकीलाई काँकरभिट्टा माविको होल्डिङ प्वाइन्टमा राख्ने बुझिएको छ ।

उनका अनुसार संक्रमित हुने सम्भावना सबैलाई छ । तर, गाडीमा सामाजिक दुरी कायम गरेर बस्ने, सुरक्षाकर्मी तथा स्वास्थ्यकर्मीहरुलाई पनि सर्तक भएर काम गर्न भनिएको छ ।

भारतबाट आएका नेपालीहरुलाई स्वास्थ्यकर्मीहरुले मेचीपुल नै पुगेर थर्मलगनबाट सामान्य ज्वरो जाँच गर्ने व्यवस्था मिलाएको छ ।

 

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    loktantrapost@gmail.com

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
झुलन रेग्मी
प्राविधिक समर्थन :- मौसम न्यौपाने
हाम्रो फेसबुक पेज
%d bloggers like this:
%d bloggers like this: