नेकपाकासहित ६ कार्यकर्ता कांग्रेसमा प्रवेश – Loktantra Post Loktantra Post
                                                                                                                                                                                                                           

नेकपाकासहित ६ कार्यकर्ता कांग्रेसमा प्रवेश

मेचीनगर । अर्जुनधारा–६ का नेकपासहित विभिन्न राजनीतिक दल परित्याग गरेर ६ जना कार्यकर्ता कांग्रेसमा प्रवेश गरेका छन् ।

बिर्तामोड स्थित नेपाली कांग्रेस झापाको कार्यालयमा आयोजित एक कार्यक्रमकाबीच कांग्रेस झापाका सभापति उद्वव थापा, महासमिति सदस्य दिपक तामाङ, २ नं क्षेत्रीय सभापति खगेन्द्र मैनाली, २ नं क्षेत्र प्रदेश ‘ख’ का सभापति किरण श्रेष्ठ, नगर सभापति हेमराज खरेल, वडा सभापति उमाकान्त लुइँटेल लगायतले पार्टीको सदस्यता प्रदान गर्दै अविर र खादा लगाएर पार्टी प्रवेश गराएका थिए ।

कांग्रेस झापाका सभापति एवम् प्रमुख अतिथि थापाले कांग्रेस मासवेशी पार्टी भएको उल्लेख गर्दै सक्रियताका आधारमा सवै ब्यक्तिले स्थान पाउने बताए ।

महासमिति सदस्य तामाङ, २ नं क्षेत्रीय सभापति मैनाली, प्रदेश क्षेत्रीय सभापति श्रेष्ठ, अर्जुनधारा नगर सभापति खरेल लगायतले मन्तब्य व्यक्त गरेका थिए ।

नेकपा परित्याग गरेर कांग्रेसमा प्रवेश गरेका टंक भण्डारीले नेकपाले सरकार सञ्चालनमा देखाएको तानाशाही प्रवृत्ति, भ्रष्टाचार, राष्ट्रिय ढिकुटी रित्याएर कार्यकर्ताको भरणपोषण गर्ने प्रवृत्तिप्रति वितृष्णा पैदा भएपछि सत्तारुढ दल त्यागेर आफू प्रमुख प्रतिपक्षी दल कांग्रेसमा प्रवेश गरेको दावी गरे ।

वडा सभापति लुइँटेलको सभापतित्व र सचिव रामबहादुर कटुवालको सञ्चालनमा सम्पन्न पार्टी प्रवेश कार्यक्रममा नेकपा परित्याग गर्ने भण्डारी, विनोद दनुवार, जितेन दर्जी, विक्रम वर्देवा, शर्मिला वर्देवा र अञ्जली वर्देवा कांग्रेसमा प्रवेश गरेका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    loktantrapost@gmail.com

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
झुलन रेग्मी
प्राविधिक समर्थन :- मौसम न्यौपाने
हाम्रो फेसबुक पेज
%d bloggers like this:
%d bloggers like this: