मास्क अनिर्वाय लगाउन काँकरभिट्टामा सचेतना – Loktantra Post Loktantra Post
                                                                                                                                                                                                                           

मास्क अनिर्वाय लगाउन काँकरभिट्टामा सचेतना

मेचीनगर । काँकरभिट्टामा प्रहरीको अगुवाईमा विभिन्न सामाजिक संघ संस्थाहरुले मङ्गलबार मास्क अनिर्वाय लगाउन तथा कोरोना रोकथाम र नियन्त्रणका लागि सचेतना अभियान शुरु गरेको छ ।

ईलाका प्रहरी कार्यालय काँकरभिट्टाको अगुवाईमा लायन्स क्लब, रोटरी क्लब, माइती नेपाल, मेची उद्योग वाणिज्य संघ, सामुदायिक प्रहरी सेवा केन्द्र, ट्राफिक प्रहरी तथा अन्य सामाजिक संघ संस्थाहरुको सहभागितामा बजारमा मास्क नलगाई हिड्ने नागरिकलाई रोकेर मास्क लगाइदिने र कोरोना भाइरसको रोकथाम तथा नियन्त्रण सम्बन्धी सचेतना अभियान थालिएको हो ।

ईलाका प्रहरी प्रमुख डिएसपी राजेन्द्र पोखरेल, वडा नम्बर ६ का वडाध्यक्ष ललित तामाङ, सामाजिक अभियन्ताहरु नवराज खनियाँ, गोविन्द घिमिरे, विना तामाङ, दिपेन्द्रराज पाण्डे, सन्तोष आचार्य, दिनेश पाखरेल, प्रविन थापा, डम्बर खवास, सजित तामाङ, नितेशकुमार सिंह राजपुत, विमर्श श्रेष्ठ लगायतको सहभागिता रहेको थियो ।

सोमबारदेखि मास्क नलगाई घर बाहिर निस्कनेलाई पक्राउ गरी संक्रामक रोग ऐन २०२० अनुसार कारबाही गर्ने गृह मन्त्रालयका सूचना जारी गरेको थियो ।

कोरोना संक्रमणको खतरा अहिले पनि रहेको र हाल लकडाउन पूर्ण रुपमा नखुली व्यवस्थित मात्र गरिएकोले सचेतना अभियान शुरु गरिएको डिएसपी पोखरेलले बताए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    loktantrapost@gmail.com

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
झुलन रेग्मी
प्राविधिक समर्थन :- मौसम न्यौपाने
हाम्रो फेसबुक पेज
%d bloggers like this:
%d bloggers like this: