रोटरीद्वारा तीन जना विद्यार्थीलाई ह्वीलचियर – Loktantra Post Loktantra Post
                                                                                                                                                                                                                           

रोटरीद्वारा तीन जना विद्यार्थीलाई ह्वीलचियर

मेचीनगर, १७ साउन । रोटरी क्लब अफ बिर्तामोड मिडटाउनले शारीरिकरुपमा अशक्त भएका भद्रपुर–३ बैशाबारीका तीन जना विद्यार्थीलाई ह्वीलचियर वितरण गरेको छ ।

शारीरिकरुपमा अशक्त भएका वैसावारीका लेखनाथ गणेश, लक्ष्मण गणेश र कृष्ण गणेशलाई ह्वीलचियर वितरण गरिएको हो ।

वैसावारीकै आदर्श आधारभूत बिद्यालयमा अध्ययनरत् उनीहरुलाई शारीरिकरुपमा अशक्त भएर विद्यालय आउन जान समस्या भएको भन्दै मिडटाउनले ह्वीलचियर वितरण गरिएको प्रेसिडेन्ट प्रशान्त भण्डारीले वताए ।

घरको आर्थिक अवस्था कमजोर भएका कारण अभिभावकले ह्वीलचियर किन्न नसकेपछि कष्टपूर्ण ढंगले जीवन गुजार्दै आइरहेका उनीहरुलाई विद्यालय आउन जान समस्या भएपछि पढाईमा सहजता ल्याउन ह्वीलचियर वितरण गरिएको उनले वताए ।

आदर्श आधारभूत बिद्यालयमा कक्षा ५ मा अध्ययनरत् लेखनाथ गणेश, कक्षा एकमा अध्ययनरत् लक्ष्मण गणेश र कक्षा एलकेजीमा अध्ययनरत् कृष्ण गणेशलाई वावुआमाले वोकेर विद्यालय ल्याउने र विद्यालय छुट्टी भएपछि घर लैजाने गरेको प्रधानाध्यापक ललितबहादुर तामाङले वताए ।

भद्रपुर नगरपालिका वडा नंं. ३ कि अध्यक्ष कमला थुलुङको प्रमुख आतिथ्यता एवम् मिडटाउनका प्रेसिडेन्ट भण्डारीको सभापतित्वमा कार्यक्रम भएको थियो ।

कार्यक्रममा वडाध्यक्ष थुलुङले समाजमा अपांगता भएकालाई हेर्ने दृष्टि फरक रहेको बताइन् । उनले शारीरिकरुपमा अशक्त भएर हिंडडुल गर्न नसकी विद्यालय आउन जान नसक्ने विद्यार्थीहरुलाई छनौट गरेर ह्वीलचियर वितरण गरिएकोमा मिडटाउनलाई धन्यवाद दिएकी थिइन् ।

सानो हुँदा लेखनाथलाई वोकेर विद्यालय लान सजिलो भएपनि उमेर वढ्दै गएपछि बोकेर लान कठीन भएको लेखनाथका वुवा मोहनलाल गणेशले वताए ।

कार्यक्रममा आदर्श आधारभूत बिद्यालयका प्रधानाध्यापक तामाङ, विद्यालय व्यवस्थापन समितिका अध्यक्ष मोहनलाल गणेश, एक्सेल वैंक वनियाँनी शाखा प्रमुख राजन ढकाल, सशस्त्र प्रहरी वेश क्याम्प भद्रपुरका प्रहरी निरीक्षक रतन बाराकोटी, एरोमा टी स्टेटका सञ्चालक रितेश मंगलल मिडटाउनले शारीरिकरुपमा अशक्त भएका विद्यार्थीलाई ह्वीलचियर वितरण गरेर उनीहरुको शिक्षामा ठूलो योगदान गरेको बताए ।

कार्यक्रममा रोटरी क्लब अफ बिर्तामोड मिडटाउनका सेक्रेटरी नवीन उप्रेती, टीच डाइरेक्टर शरद जोशी, क्लब मेन्टर राजेन्द्र अग्रवाल, रोट्रयाक क्लब अफ बिर्तामोड मिडटाउनकी प्रेसिडेन्ट प्रकृति न्यौपाने लगायतको सहभागिता रहेको थियो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    loktantrapost@gmail.com

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
झुलन रेग्मी
प्राविधिक समर्थन :- मौसम न्यौपाने
हाम्रो फेसबुक पेज
%d bloggers like this:
%d bloggers like this: