‘एक परिवार एक ब्यक्ति’का दरले पीसीआर गराउन युवाहरुको माग

मेचीनगर, २९ साउन । अस्पतालका डाक्टर, फुटबल खेलाडी, सशस्त्र प्रहरीलगायत समुदायका विभिन्न व्यक्तिमा कोरोनाको संक्रमण देखिएपछि मेचीनगरमा चुनौति निम्तिएको भन्दै चिन्ता व्यक्त गर्न थालिएको छ ।

मेचीनगर–१० का युवाहरुले गठन गरेको धुलावारी युनिटीका संयोजक प्रकाश खड्काले नगरपालिकाले पीसीआर परीक्षणको दायरा तत्काल बढाउनु पर्ने माग गरेका छन् ।

उनले लकडाउन भएको अवस्थामा खुल्ने किराना पसल र सब्जी पसलहरुमा सामाजिक दूरी र मास्क लगाउने नियम पालना नगरिएकोमा चिन्ता समेत व्यक्त गरेका छन् ।

खड्काले समुदायमा कोरोना फैलिएपछि हरेक घरमा एक जनाका दरले पीसीआर टेस्ट नगराए संक्रमणको वास्तविकता बाहिर आउन नसक्ने बताए । उनले नगरपालिकाले पीसीआ टेस्टको दायरा बढाउनेतर्फ ध्यान केन्द्रित गर्नुपर्ने जोडदार माग गरेका छन्

हिमालयन मल्टिपल कलेज धुलावारीका अध्यापक सागर शिवाकोटीले एक परिवार एक व्यक्तिका दरले पीसीआर परीक्षण हुनुपर्ने बताउँछन् ।

सामाजिक सञ्जालमा धारणा राख्दै शिवाकोटीले डाक्टरसहित समुदायका व्यक्तिहरुमा संक्रमण देखिएपछि अस्पतालका विरामी, कुरुवा र उनीहरु घर गएपछि सम्पर्कमा आएका थप व्यक्तिहरु सबैको कन्ट्याक्ट ट्रेसिङ सम्भव नहुने बताए ।

उनले पीसीआर परीक्षणलाई सहज र सर्वसुलभ बनाउन सकेको भए विर्तामोड र भद्रपुरका ठूला हस्पिटलको गैरजिम्मेवारी र डरका कारणले सायद कसैले ज्यान गुमाउनु पर्ने अवस्था नआउने समेत बताएका छन् ।

पीसीआर परीक्षणको रिपोर्ट ढिलो आएका कारण संक्रमण फैलिन मदत पुगिरहेको हुनसक्ने शिवाकोटीको आशंका छ ।

मेचीनगरको वडा नं. १० को समुदायस्तरमा अरुतिर भन्दा धेरै कोरोना संक्रमित भेटिएका छन् ।

धुलावारीसँग प्रत्यक्ष रुपमा जोडिएको मेचीनगर–१५ ज्यामिरगढीमा समुदायस्तरमा पीसीआर परीक्षण गर्न धुलावारी युनिटीका संयोजक खड्का माग गर्छन् ।

ज्यामिरगढी क्षेत्रमा धेरै संख्यामा उद्योगधन्धाहरु रहेको र त्यहाँ कार्यरत मजदुरहरुको पीसीआर परीक्षण गरिनु पर्ने उनी बताउँछन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज
%d bloggers like this:
%d bloggers like this: