सरकार भन्छ धेरै भेला नहुनु, कांग्रेस गराउँछ सयौलाई प्रवेश

दमक, ३० साउन । सरकार २५ जनाभन्दा बढी भेला नहुनु र कुनै प्रकारका पनि भीडभाड हुने कार्यक्रम नगर्नु भन्छ । तर यता नेपाली कांग्रेस भने चुनावको बेला जस्तोे भब्य भेलाको आयोजना गरी १७० जनाभन्दा बढीलाई पार्टी प्रवेश गराउँछ ।

खबर झापाको कमल गाउँपालिकाको हो । नेपाली कांग्रेस कमल गाउँपालिका समितिले शुक्रवार पार्टी प्रवेश तथा भेटघाट कार्यक्रम राखेको थियो । जहाँ विभिन्न पार्टी परित्याग गरेका १७० भन्दा बढीले कांग्रेस प्रवेश गरेको जनाइएको छ ।

नवप्रवेशीहरुलाई नेपाली कांग्रेसका पूर्व महामन्त्री एवम्र पूर्व उपप्रधानमन्त्री कृष्णप्रसाद सिटौलाले पार्टीमा स्वागत गरेका थिए ।

कमल गाँउपालिका सभापति खगेन भण्डारीको सभापतित्वमा भएको कार्यक्रममा प्रमुख अतिथि पूर्व महामन्त्री कृष्ण प्रसाद सिटौला, विशिष्ठ अतिथि जिल्ला सभापति उद्धव थापा लगायत पार्टीका गाउँ तथा नगरका नेता कार्यकर्ताहरुको बाक्लो उपस्थिति थियो ।

प्रमुख अतिथि सिटौलाले बोल्ने क्रममा कोभिड महामारीका बेला सकेसम्म साबधानी अपनाई कार्यक्रम आयोजना गरिएको भन्दै आयोजकलाई धन्यवाद दिएका थिए ।

उनले सरकारको चर्को आलोचना गर्दै केन्द्रिय सरकार र प्रदेश सरकारको चालमाला हेर्दा यो सरकार नेपाली जनताको नभएर कम्युनिस्टको मात्र भएको आरोप लगाए ।

सिटौलाले प्रधानमन्त्री समेत रहेका नेकपाका अध्यक्ष ओलीलाई तीन बर्षको महत्वपूर्ण घडिमा तपाईंले के मुख्य काम गर्नु भयो भनेर सोधीदिन कार्यक्रममा उपस्थित पत्रकार साथीहरु समक्ष अनुरोध गरेका थिए ।

बक्ता पूर्व जिल्ला उपसभापति देउमान थेबेले झापा जिल्लामा ३ दिन भित्रमा ४ हजार जना विभिन्न पार्टीका नेता कार्यकर्ताहरु नेपाली कांग्रेस पार्टीमा प्रवेश गराउने कार्यक्रम रहेको जानकारी दिएका थिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज
%d bloggers like this:
%d bloggers like this: