गौरादहका संक्रमित ६३ वर्षीय पुरुषको नोबेलमा मृत्यु

झापा, ५ मंसिर । गौरादह–८ का ६३ वर्षीय पुरुषको कोरोना संक्रमणका कारण नोबेल शिक्षण अस्पताल विराटनगरमा आज मृत्यु भएको छ ।

अस्पतालका प्रबन्धक नारायण दाहालका अनुसार श्वासप्रश्वासमा समस्या भएपछि उनलाई उपचारका लागि बुधबार अस्पताल भर्ना गरिएको थियो । उनको आज बिहान ७ः३० बजेतिर मृत्यु भएको उनले बताए ।

उनको पीसीआर परीक्षण गराउँदा बिहीवार रिपोर्ट पोजिटिभ आएको थियो । योसँगै झापामा कोरोना भाइरसका कारण ९१ जनाको ज्यान गईसकेको छ ।