दिल्लीमा बाबुरामको ‘पेट स्क्यान’, क्यान्सर हो कि होइन पत्ता लगाइँदै

  प्रकाशित मिति
१३ फाल्गुन २०७७, बिहीबार २०:०७


झापा, १३ फागुन । भारतको दिल्लीमा डा. बाबुराम भट्टराईले स्वास्थ्य परीक्षणको क्रममा ‘पेट स्क्यान’ गराएका छन् ।

पेटको ट्युमर जाँच्न दिल्ली गएका उनले दुईवटा हस्पिटलमा उपचार गराइरहेको उनकै फेसबुक स्टाटसले जनाएको छ ।

पछिल्लो पटक उनले गंगाराम हस्पिटलको महाजन इमेजरीमा पेटको ट्युमरको ‘पेट स्क्यान’ गराएका छन् ।

आज दिउँसो फेसबुकमा उनले स्क्यान गराउनु अघिको फोटो राखेका थिए ।

चिकित्सकहरुका अनुसार ‘पेट स्क्यान’ शरीरमा क्यान्सरको संक्रमण छ कि छैन भनेर वा कति मात्रामा संक्रमण फैलिएको छ भनेर पत्ता लगाउन गरिन्छ ।

सीटी स्क्यान र एमआरआईबाट रोग प्रस्ट नभएमा ‘पेट स्क्यान’ गरिन्छ । यो अत्याधुनिक जाँच विधि हो ।

‘पेट स्क्यान’ गरिनु अघि रेडियो विकिरणयुक्त एउटा इन्जेक्सन शरीरभित्र दिइन्छ । शरीरभित्र जहाँ जहाँ क्यान्सर फैलिएको छ, त्यहाँको तत्तुले त्यो विकिरण ग्रहण गर्दछ । पछि स्क्यान गर्दा त्यो विकिरण थुप्रिएको ठाउँमा धब्बा देखिन्छ । त्यसलाई अध्ययन गरेरै रेडियोलोजिस्टले क्यान्सर फैलिएको वा त्यसको मात्रा थाहा पाउँछन् ।

सुरुमा दिल्लीको यकृत एवम् पित्त विज्ञान संस्थानमा भट्टराईले स्वास्थ्य परीक्षण गराएका थिए । प्राडा विक्रम भाटियाले उनको जाँच गरेको बताइएको थियो ।

भट्टराईलाई कुन रोगले सताएको हो भन्ने बारेमा चिकित्सकको रिपोर्ट आइसकेको छैन । तर उनले क्यान्सर हो कि होइन भनेरै जाँच गराएको प्रष्ट हुन्छ ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज