“आम व्यवसायीको चाहना के छ र अहिलेको आवश्यकता के हो भन्ने कुरालाई सबै पक्षले मनन गर्नुपर्छ,” नेपाल उद्योग वाणिज्य महासंघ कोशी प्रदेश समितिका उपाध्यक्ष समेत रहनु भएको तिम्सिनाले भन्नुभयो– “फुटेर होइन, जुटेर नयाँ नेतृत्व चयन गर्न सकियो भने हाम्रो संघलाई सबैको हक र हितका लागि जुट्ने साझा थलो बनाउन सकिन्छ ।”

फाइल भेला पार्ने बहानामा ‘मतदाता किन्ने’ यो बेथिति चुनावलाई स्वतन्त्र, निष्पक्ष र मर्यादित बनाउने सर्वमान्य मान्यता विपरीत देखिन्छ । तर, यसलाई कडाइका साथ रोक्नेतर्फ कसैको पनि ध्यान गएको छैन ।

उहाँ भन्नुहुन्छ–“जीवनका उकाली ओरालीहरुमा धेरै घटना देखियो भोगियो, ती स्मरणहरुलाई कथा, निबन्ध र सामयिक लेखका रुपमा प्रकाशित हुँदा भावी पुस्ताले इतिहास थाहा पाउँछन् भनेर कलम चलाउन मेरो जाँगर चल्ने गरेको छ ।”