फुट्न चाहनेलाई पनि बाटो खुल्यो : वामदेव गौतम

  प्रकाशित मिति
२३ फाल्गुन २०७७, आईतवार १८:३२


झापा, २३ फागुन । साविकको नेकपा एमालेका उपाध्यक्ष वामदेव गौतमले पूर्व एमाले र पूर्व माओवादी ब्युँताउने सर्वोच्च अदालतको फैसला सही भएको प्रतिक्रिया जनाएका छन् ।

फुट्न चाहनेलाई फुट्ने र एमालेमा बस्न चाहनेलाई ठाउँ दिएको उनको भनाइ थियो ।

नेकपा आधिकारिकतासम्बन्धी फैसलापछि प्रतिक्रिया दिँदै उपाध्यक्ष गौतमले सर्वोच्चको फैसला एकदमै सही भएको बताएका हुन् ।

‘सर्वोच्चको फैसला एकदम सही छ, फुट्नेलाई पनि बाटो खुल्यो । एमालेमा बस्न खोज्नेलाई पनि ठाउँ दियो,’ गौतमले लोकान्तरसँग भने । गौतम दुई पार्टी मिलेर गठन भएको नेकपाको पनि उपाध्यक्ष थिए ।

प्रतिनिधि सभा विघटन भएपछि नेकपा विभाजन भएर दुईतिर लाग्दा गौतम भने पार्टी एकता जोगाउन भन्दै कुनै समूहमा नलागी एकता अभियान घोषणा गरेका थिए । ‘अब माधव नेपालले एमालेबाट ४० प्रतिशत लिएर जान सक्नु हुन्छ,’ गौतमले भने ।

आइतवार सर्वोच्च अदालतले ऋषि कट्टेल नेतृत्वको नेकपालाई आधिकारिकता दिँदै तत्कालीन नेकपा एमाले र माओवादी केन्द्रबीच २०७५ जेठ ३ गते एकता भएर बनेको नेकपालाई मान्यता दिन अस्वीकार गरेको थियो ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज