काँग्रेस सभापति देउवाले भेटे तमर राईका परिवारलाई

  प्रकाशित मिति
२४ चैत्र २०७७, मंगलवार ०७:४६


काँकरभिट्टा, २४ चैत । नेपाली काँग्रेसका सभापति शेरबहादुर देउवा सोमबार काँकरभिट्टा आएका छन् ।
सभापति देउवाले प्रजातन्त्र सेनानी अग्रज स्वर्गिय तमर राईका परिवारलाई समवेदना व्यक्त गरेका छन् ।

आज दिउसो साढे ४ वजे मेचीनगर–६ स्थित काँकरभिट्टाका स्वर्गिय राईको घरमा आई उनका परिवारलाई समवेदना व्यक्त गरेका हुन ।

स्वर्गिय राईप्रति श्रद्वाञ्जलि अर्पण गर्दै सभापति देउवाले पार्टी र देशप्रति ऐतिहासिक योगदान रहेको राई परिवारप्रति मेरो घनिष्टताको सम्बन्ध रहेको बताए ।

स्वर्गिय राईको परिवारका तर्फबाट बालहरी राईले सभापति देउवालाई जानकारी गराएका थिए । पूर्व प्रधानमन्त्री समेत रहेका देउवाले स्वर्गिय राईका परिवारका साथै कार्यकर्ताहरुसँगपनि भेटघाट गरेका थिए ।

स्वर्गिय राईका परिवारलाई भेट्न सभापति देउवासँग प्रवक्ता विश्वप्रकाश शर्मा, पूर्वमन्त्री सरिता प्रसाई, केन्द्रिय सदस्य गोपालकुमार वस्नेत, झापा सभापति उद्वव थापा लगायतका नेता तथा कार्यकर्ताहरु आएका थिए ।

सभापति देउवाले आजै बिर्तामोडमा स्वर्गिय गिरीराज कुमारी प्रसाईप्रति श्रद्वाञ्जलि अर्पण गर्नुकासाथै उनका परिवारप्रति समवेदना व्यक्त गरेका थिए ।

आइतबार काँग्रेसका पूर्वमहामन्त्री कृष्ण सिटौला र शनिबार उपसभापति विमलेन्द्र निधिले स्वर्गिय राईका परिवारलाई घरैमा आएर समवेदना व्यक्त गरेको नेता दुर्गाप्रसाद सापकोटाले जानकारी दिए ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज