हल्दिबारीमा भोकै बस्ने अवस्था आउन नदिन यस्तो छ एमालेको तयारी

  प्रकाशित मिति
२७ जेष्ठ २०७८, बिहीबार १३:०१


आवश्यक सहयोग तथा सहजीकरण समितिका संयोजक एवम् हल्दिबारी गाउँपालिकाका उपाध्यक्ष डम्बर गिरी ।

हल्दिबारी, २७ जेठ । हल्दिबारी गाउँपालिका क्षेत्रमा कोही भोकै पर्ने अवस्था आए नेकपा एमालेले खाद्यान्नको व्यवस्था मिलाउने भएको छ ।

एमाले गाउँ कमिटीका अध्यक्ष हरि गौतमले आज विज्ञप्ति जारी उक्त प्रतिबद्धता व्यक्त गरेका हुन् ।

एमाले हल्दीबारी गाउँ कमिटीको बुधवार बसेको विशेष बैठकले कोरोना भाइरसको महामारीका बेला आफ्नो गाउँपालिकाभित्र कसैलाई पनि भोकै पर्ने र उपचारविहीन हुने अवस्था उत्पन्न हुन नदिने निर्णय गरेको अध्यक्ष गौतमले जनाएका छन् ।

लकडाउनको कारणले रोजगारी गुमाउन बाध्य दैनिक ज्यालादारी गर्ने गरिब, विपन्न घरपरिवारका नागरिकलाई राहत वितरण गरिेने विज्ञप्तिमा उल्लेख छ ।

वपन्न परिवारका नागरिकलाई भोकमारीबाट बचाउनका लागि हरेक वडा कमिटीका इन्चार्ज, अध्यक्ष र सचिव रहेको समिति गठन गरिएको र

सो समितिको सिफारिसको आधारमा गाउँ कमिटीको तर्फबाट खाद्यान्न लगायतका राहत सामग्री वितरण गर्ने निर्णय भएको बताइएको छ ।

गाउँपालिका क्षेत्रका कुनै घरपरिवार भोकै भए नेकपा एमाले हल्दीबारी गाउँ कमिटीलाई सम्पर्क गर्न समेत अध्यक्ष गौतमले अनुरोध गरेका छन् ।

आगामी असार–१४ गते ७० औं मदन भण्डारी जन्मजयन्तीको अवसरमा राष्ट्रिय युवा संघ नेपाल र अनेरास्ववियु हल्दीबारी गाउँ कमिटीको आयोजनामा रक्तदान कार्यक्रम गर्ने, अक्सिजनको अभावमा कोरोना संक्रमितहरुको उपचारमा भइरहेको कठिनाइलाई मध्यनजर गर्दै केही थान अक्सिजन सिलिन्डरको व्यवस्थापन गरी हल्दीबारी गाउँपालिकाको स्वास्थ्य शाखालाई हस्तान्तरण गर्ने र्वठकले निर्णय गरेको जनाइएको छ ।

गाउँपालिका स्तरीय अस्पताल निर्माण नभइञ्जेल हल्दीबारी–२ मा निर्माण सम्पन्न भएको जनता आवास कार्यक्रम अन्तर्गतको १३ वटा घर प्रयोग गरी तत्काल गाउँपालिका स्तरीय आकस्मिक अस्पताल संचालन गर्न र त्यसमा स्वास्थ्य वीमा कार्यक्रम मार्फत नागरिकलाई औषधि र उपचारको व्यवस्था मिलाउन गाउँपालिकालाई ध्यानाकर्षण पत्र बुझाउने वैठकले निर्णय गरेको छ ।

गाउँपालिका क्षेत्रका कोरोना संक्रमित बिरामीहरुलाई हल्दीबारी बाहिर उपचारको क्रममा केही कठिनाई आइपरेमा सोका लागि आवश्यक सहयोग तथा सहजिकरण गर्ने व्यवस्था मिलाउन जिल्ला कमिटी सदस्य एवम् हल्दीबारी गाउँपालिकाका उपाध्यक्ष डम्बर गिरीको संयोजकत्वमा, गाउँ कमिटी इन्चार्ज नरेश चुडाल र जिल्ला कमिटी सदस्य एवंम् हल्दीबारी गाउँपालिकाका प्रवक्ता सागर पोर्तेल सदस्य रहेको कोरोना संक्रमित उपचार सहयोग तथा सहजीकरण समिति गठन समेत गरेको अध्यक्ष गौतमले जानकारी दिएका छन् ।

प्रतिक्रिया दिनुहोस्

सम्पर्क

   मेचीनगर–१०,झापा, नेपाल
   023-561466
   9852673623
    [email protected]

हाम्रो बारेमा

प्रधान सम्पादक :- मोहन काजी न्यौपाने
सम्पादक समूह :
अम्विका भण्डारी
अर्जुन कार्की
हाम्रो फेसबुक पेज