२३ भदौ २०८१, आइतवार
मेचीनगर, १४ फागुन । युवा पत्रकार अर्जुन कार्कीको सम्पादकत्वमा मेचीनगर अनलाइनको प्रकाशन प्रारम्भ भएको छ ।
मेचीनगरका नगरप्रमुख गोपालचन्द्र बुढाथोकीले आज एक समारोहबीच मेचीनगर अनलाइनको विधिवत् उद्घाटन गर्नुभयो ।
मेची उद्योग वाणिज्य संघको सभाहलमा भएको कार्यक्रममा नगरप्रमुख बुढाथोकीले ल्यापटपमा क्लिक गरेर अनलाइनको उद्घाटन गर्नुभयो ।
बिगत डेढ दशकदेखि पत्रकारितामा क्रियाशील पत्रकार कार्की यसअघि लोकतन्त्र पोस्ट, जनसंसद् दैनिक, जनान्दोलन साप्ताहिक, मेची ट्युन्स एफएम, सौर्य दैनिक काठमाडौँ लगायतका सञ्चारमाध्यममा कार्यरत हुनुहुन्थ्यो ।
कार्यक्रममा मेचीनगर नगरपालिकाका नगर प्रमुख गोपालचन्द्र बुढाथोकी, नेपाल पत्रकार महासंघका पूर्व केन्द्रीय सदस्य मोहन काजी, मेचीनगर प्रेस क्लवका अध्यक्ष डम्बर बराल, कान्तिपुर दैनिकका उपसम्पादक पर्वत पोर्तेल, प्रेस चौतारी झापाका सचिव प्रकाश पौडेल, प्रेस सेन्टर झापाका निवर्तमान अध्यक्ष झुलन रेग्मी, आदिबासी जनजाति पत्रकार महासंघ झापाकी अध्यक्ष भूमिका सुब्बा, मेचीनगर प्रेस क्लवका पूर्व अध्यक्ष मुक्ति पौडेल, चौतारी पोस्टका सम्पादक जीएन शर्मा, सामाजिक कार्यकर्ता हरि दाहाल लगायतले शुभकामना व्यक्त गर्नुभएको थियो ।
कार्यक्रममा अनलाइनका बारेमा सम्पादक अर्जुन कार्कीले प्रकाश पार्नुभएको थियो भने नारी सञ्चार गृह झापाकी पूर्व अध्यक्ष अम्बिका भण्डारीले कार्यक्रमको सञ्चालन गर्नुभएको थियो ।
पाउँ पाथिभरा सञ्चार प्रालि प्रकाशक रहेको मेचीनगर अनलाइनमा कृषि, शिक्षा, स्वास्थ्य लगायतका विषयका समाचार प्राथमिकतामा रहने सम्पादक कार्कीले बताउनु भएको छ ।
