धुलाबारी, १७ फागुन । मेचीनगर लेडी जेसीजको आयोजनामा एकदिने युवा सशक्तीकरण तालिम सम्पन्न भएको छ । 

इष्ट होराइजन स्कुलका प्लस टु का विद्यार्थीहरुलाई इम्पावरिङ युथ ट्रेनिङ प्रदान गरिएको हो । 

मेचीनगर लेडी जेसीजकी अध्यक्ष रश्मि थापाको सभापतित्व तथा एन प्याव्सनका केन्द्रीय सदस्य एवम् इष्ट होराइजन स्कुलका प्रिन्सिपल सन्जिव राईको प्रमुख आतिथ्यतामा भएको कार्यक्रमको विशिष्ट अतिथिमा मेचीनगर लेडी जेसीजकी संस्थापक अध्यक्ष कविता शर्मा थिइन् ।

कार्यक्रममा ७० भन्दा बढी विद्यार्थीहरुको सहभागिता रहेको थियो । सहभागीहरुलाई धुलाबारी जेसीजका पूर्व अध्यक्ष तथा व्यावसायी पुनितकुमार बंशलले प्रशिक्षण दिएका थिए । 

कार्यक्रममा स्वागत तालिम संयोजक शर्मिला तिम्सिना, आस्था वाचन उपाध्यक्ष कुसुम दाहाल र कार्यक्रमको सञ्चालन महासचिव सविता पोखरेलले गरेकी थिइन् ।