दुई करोड प्रकरण
झापा, २६ चैत । स्वास्थ्य व्यवसायी दुर्गा प्रसाईसँग रास्वपा सांसद् ढाकाकुमार श्रेष्ठले दुई करोड मागेको भनेको अडियोमा के कुराकानी भएको छ ? सबैको चासो रहेको हुँदा उक्त अडियोको सम्बादलाई यहाँ प्रस्तुत गरेका छौं ।
प्रसाईं : नमस्ते, के छ नि हालखबर ?
श्रेष्ठ : ठीक छ सर, म पनि भर्खर भर्खर उठेको ।
प्रसाईं : त्यही त राति अनि मैले पनि फोन अफ गरें । सुत्ने बेला भएर चार्जमा राखेर सुतें । अनि नि, खास चाहिँ कुरा के मलाई अलिकति भन्नु त डाक्टर साब ।
श्रेष्ठ ः स्वास्थ्य हामीले पाउने भयौं । पार्टीलाई अलि अलि सहयोग गर भनिएको छ । आन्तरिक कोर टिम २÷३ जनाको । साढे २ जति चाहियो भन्दै थिए मलाई हिजो । मेरो पक्का चाहिँ पक्का भयो । आज त्यो मैले फिक्स गर्नुछ के दाइ, सर । म फेरि आर्थिकमा त्यस्तो उ छैन । मन्त्री पनि बन्न पर्यो । धोइपखाली गरेर यो स्वास्थ्य क्षेत्र सुधार्न छ ।
श्रेष्ठ ः केही गर्छु भनेर मैले सोच गरेको छु । त्यसमा हजुरहरुको सहयोग सपोर्ट चाहियो ।
प्रसाईं ः अच्छा, मैले तपाईसँग एउटा कुरा बुझ्न खोजेको । राष्ट्रिय स्वतन्त्र पार्टीमा डाक्टर भनेको मैले त डाक्टर तोसिमा कार्की मात्रै छिन् भनेर बुझेको थिएँ ।
श्रेष्ठ ः होइन नि हामी तीन जना छौं ।
प्रसाईं ः को को ?
श्रेष्ठ ः म भएँ, तोसिमा कार्की र चन्दा कार्की ।
प्रसाईं ः ए साँच्ची चन्दा कार्की म्याम पनि हुनुहुन्छ नि है ?
श्रेष्ठ ः चन्दालाई हजुरले चिन्नुहुन्छ होला ।
प्रसाईं ः डाक्टर साबको घर चाहिँ कहाँ हो डाक्टर साब ?
श्रेष्ठ ः मेरो पोखरा हो सर ।
प्रसाईं ः ए, अनि एमबीबीएस कहाँ गरेको ?
श्रेष्ठ ः मैले चाइनाबाट हो सर ।
प्रसाईं ः ए, अनि एमडी ?
श्रेष्ठ ः एमडी अहिले मैले गरेको छैन । एमबीबीएस मात्रै हो ।
प्रसाईं ः एमएस चाहिँ ?
श्रेष्ठ ः पछि यता अर्कैतिर । पढ्ने भन्दा भन्दै पोलिटिक्सतिर आएँ म ।
प्रसाईं ः अब हेर्नुस है । स्वास्थ्यमा धेरै ठूलो समस्या छ । हैन डाक्टर साब ? देशमा भएका सबै नर्सिङ कलेज बन्द गराए । आज नर्स पढ्न पाउँदैनन् । दुबईका डान्सबारमा हाम्रै चेलीबेटीले डान्स गरेका छन् । त्यसो गर्न भन्दा नर्स पठाऔं । हो कि होइन ?
श्रेष्ठ ः हो नि त । हो नि त ।
प्रसाईं ः मैले त डाक्टर उत्पादन गरौं । सयवटा मेडिकल कलेज खोलौं भनेको हुँ । हो कि होइन भन्नु त ? इन्डियाबाट विद्यार्थी ल्याऔं । हस्पिटल फ्री गरौं । कति राम्रो कुरा गरेको मैले ?
श्रेष्ठ ः हो नि ।
प्रसाईं ः डाक्टर साबको नाम ढकबहादुर कि के हो ?
श्रेष्ठ ः ढाकाकुमार श्रेष्ठ ।
प्रसाईं ः ए, ढाकाकुमार श्रेष्ठ । अच्छा मैले त्यो कुरो बुझें । सल्लाह गरेर अघि बढौंला । तपाईसँग मैले एउटा कुरा भन्न खोजेको, अहिले हामी त ह्वाट्स एपमा छौं । मतलब भएन । मुकुलहरुले त स्वास्थ्य र शिक्षा नलिने भन्थे त ?
श्रेष्ठ ः स्वास्थ्य, शिक्षा नलिने । मुकुलजीलाई यो कुरा त्यति थाहा छैन सर । आन्तरिक कुरा हो । मुकुलजी पनि त्यो कोर टिममा हुनुहुन्न के । बाहिर बाहिर महामन्त्री नै हो । हजुरलाई पार्टीको कुरा गर्दा त्यहाँ २÷३ जना छुट्टै हुनुहुन्छ रविसरलाई धेरै सहयोग गर्ने । सुरुवाती क्षणदेखि नै धेरै सहयोग गर्ने । त्यो टिमबाट मलाई कुरा आएको हो । आज मैले पैसा पेश गर्नुपर्दछ । उधारो हुन्न भन्छन् फेरि ।
प्रसाईं ः क्यास पैसा । अढाई करोडको कुरा आयो ? दुई करोड ?
श्रेष्ठ ः दुई साढे दुई करोड भनेका छन् । अहिले मैले एक दिएँ भने पनि मान्छन् होला । पछिको चेक दिए पनि मान्छन् के २÷३ दिनको ।
प्रसाईं ः आज बन्द छ नि त । सुन्नुस् है कुरा । बैंकबाट ९ लाख ९९ हजार भन्दा बढीको चेक साटिँदैन । सुन्नुस् क्लियर कुरा । एउटा टाइम राखेर गर्ने हो भने मैले दिन्छु, म सहयोग गर्छु तपाईंले भनिहाल्नुभयो । भोलि मेरो पनि काम गर्नुपर्छ तपाईंले ?
श्रेष्ठ ः होइन, होइन त्यो त म गर्छु । मलाई त यो गोविन्द केसी देखेर दिक्क लाग्छ । कहिले मर्छ जस्तो लाग्छ । पुरै एमबीबीएस पढ्न नपाएको पनि तिनले गर्दा हो ।
दुर्गा प्रसाईं ः मैले मेरी छोरीलाई एमडी पढ्न जापान पठाउन पर्यो । टोकियो युनिभर्सिटीमा ३ करोड तिरेर । मेरो आफ्नोमा पढाउन पाइन ।
श्रेष्ठ ः त्यही त । यो सबै बेथिति छ ।
प्रसाईं ः मेरो त हेर्नुस् न । म त कति मरेको छु । मेरो मेडिकल कलेज हेर्नुस् त । सबै भौतिक पूर्वाधार पुगेको र काठमाडौं उपत्यका बाहिरको । मेची अञ्चलमा ३२ लाख पपुलेसन छ । म त डुबेको छु कि छैन ? म त मर्न मात्रै बाँकी छ ।
श्रेष्ठ ः त्यही त । यस्तो कुरा हटाउनुपर्छ सर । यो पनि समस्या समाधान गर्नुपर्दछ ।
प्रसाईं ः शिक्षा चाहिं कसले लिने भएछ भाइ, हँ डा साब ?
श्रेष्ठ ः शिक्षा हामीलाई परेन जस्तो छ सर ।
प्रसाईं ः ए, शिक्षा हजुरबुवा केपी शर्मा ओलीले राखे होलान् ।
श्रेष्ठ ः अँ सायद राख्नुभयो होला ।
प्रसाईं ः किनभने यसपालि मेरो कलेजलाई पनि एफिलिएसन दिनुपर्ने छ के हजुरबुवाले ? सबै कुरा सकिएको छ कि । काठमाडौं युनिभर्सिटीले एफिलिएसन दिएको छ । सिट मात्रै टुंगिएको छैन । त्यो श्रीकृष्ण गिरी त नारायणकाजीको मान्छे हो नि त । त्यहाँबाट पैसा उठाएर लगेर नारायणकाजीलाई बुझाउने मान्छे हो के त्यो ।
श्रेष्ठ ः ए हजुर हजुर ।
प्रसाईं ः यसो गर्नुस् न त ।
श्रेष्ठ ः हजुर निश्चिन्त हुनुस् । अब काम तपाईं म मिलेर गर्ने हो ।
प्रसाईं ः एकछिन एकछिन । भोलि केपी ओली झापा आउँदै हुनुहुन्छ । भोलि दुई गते । आज त छुट्टी भइगयो । म भोलि बेलुका हजुरबुबासँगै म काठमाडौं आउँछु । तपाई र म भेटौला । तपाईंको यो उसको ग्यारेन्टी गर्नुस् । तपाईलाई गर्ने सहयोग म गर्छु । तपाईंले भन्नुभयो नि, जुन दुई । म आएर गरौला । तर अलिकति टाइम लाग्छ है । पैसा मिलाएर निकाल्नुपर्छ । त्यत्तिकै निस्किँदैन हचुवामा । अहिले त बैंकले जम्मै सिस्टम खोज्छ । त्यति सजिलो हुँदैन । भ्वाक भ्वाक बाकसमा पैसा लिएर त गाह्रो छ ।
श्रेष्ठ ः अँ ।
प्रसाईं ः कुरो बुझ्नु भयो के ? त्यो त कसैले पनि दिन सक्दैन, आजको आजै पैसा । नेपालमा कसैले सक्दैन ।
श्रेष्ठ ः त्यही त ।
प्रसाईं ः अनि फेरि हिजो ।
श्रेष्ठ ः समस्या छ त ।
प्रसाईं ः हिजो पुस मसान्त । हिजो बैंकको ब्याज बुझाइयो ।
श्रेष्ठ ः अँ । हजुरलाई नि साह्रै गाह्रो छ होला है बिचरा ।
प्रसाईं ः गाह्रो छ नि । म त हिजो पुस मसान्तमा ब्याज बुझाएँ । मेरो उ स्वास्थ्य बीमाको पैसा १४, १४–१५ करोड पैसा अझै दिएको छैन स्वास्थ्य बीमाले अढाई वर्षदेखि ।
श्रेष्ठ ः अँ । बीमा पनि अहिले नेपालमा १२ अर्बको चैं लगानी हुने रहेछ नेपालमा ।
प्रसाईं ः हो त नि ।
श्रेष्ठ ः बीमा पनि सबैतिर लागू गर्नु पर्ने छ ।
प्रसाईं ः हैन त्यो त । बीमा कसरी लागु गर्ने म तपाईँलाई भन्दिन्छु । अब तपाईंले के कुरा ग्यारेन्टी गर्नु भने दुई करोड पैसा मैंले दिने भएँ तपाईँलाई हैन ।
श्रेष्ठ ः हजुर ।
प्रसाईं ः यो पैसा पनि त तपाईंले उही रविलाई त बुझाउनु पर्ला नि हैन भोलिपर्सि ?
श्रेष्ठ ः अँ । मैले रवि सरलाई भन्दा पनि रवि सर देखा पर्नुभएको छैन । बाहिरको २ जना ३ जना साथीहरु हुनुहुन्छ ।
प्रसाईं ः अँ ।
श्रेष्ठ ः उहाँहरुलाई दिने हो । अब पार्टीलाई जान्छ भनेका छन् क्यारे ।
प्रसाईं ः अँ । अब यी सबै कमाउने त हुन् नि भाइ । अब के भन्नु ?
श्रेष्ठ ः अँ, अब कसरी गर्छन् थाहा छैन । पार्टीमा जान्छ कि जान्न त्यो पनि मलाई थाहा छैन । मैले सोधेकै छैन क्या । पार्टी कमजोर छ । अहिले स्रोत यति छ साह्रै गाह्रो छ भन्या छन् ।
प्रसाईं ः ए ।
प्रसाईं ः ल सर ठीकै छ । म भोलि बेलुका नभए पर्सि आउँछु अनि दाजु भाइ भेटौंला नि त । तपाईँले उ ग्यारेन्टी गर्नुस म दिन्छु । तर मलाई अलिकति टाइम चाहियो भन्नुस् ।
श्रेष्ठ ः अँ ।
प्रसाईं ः है ।
श्रेष्ठ ः अँ । हुन्छ सर । म त्यो कुरा गर्छु ।
प्रसाईं ः ल ल ल ल ।
श्रेष्ठ ः हजुर भोलि आउनुहुन्छ ? बेलुका ?
प्रसाईं ः अँ म भोलि बेलुका । यहाँ हजुरबुबा आउने भएर बस्नुपर्यो कि । अनि म भोलि आउँछु ।
प्रसाईं ः है । है है डाक्टर साब ।
श्रेष्ठ ः हस् हस् हस् सर ।
प्रसाईं ः हस् हस् हस् ।
श्रेष्ठ ः हस् हस् हस् । तपाईँ र म चाहिँ सबै सल्लाहले । के के गर्नुपर्छ ? सल्लाहले अघि बढौंला ।
प्रसाईं ः तपाईंलाई मैले । तपाईँलाई मैले एउटा के कुरा ग्यारेन्टी गरेँ भने २ करोड रुपैयाँ दिने ग्यारेन्टी गरेँ । तपाईंलाई म सजिलो बाटो देखाइदिन्छु । त्यो आएर म आएर मिलाउँछु । त्यसमा पीर नगर्नुस् । उनीहरुसँग टाइम माग्नुस् । ल म दिन्छु भनेर भन्नुहोस् । सक्कियो कुरा । तपाईं र म एक ठाउँमा भेट्नुपर्छ । भेटिराख्नु पनि पर्दैन । फोन पनि गर्नु पर्दैन । तपाईँलाई । म जति भिडेको छु नि यो स्वास्थ्य क्षेत्रमा । गोविन्द केसी के भिडेको छ ? कुरो बुझ्नुभएन ?
श्रेष्ठ ः त्यै त ।
प्रसाईं ः तपाईंलाई म आइडिया दिन्छु । यो दुई करोड तपाईंको ग्यारेन्टी भयो म दिन्छु । तपाईं पीर नगर्नुस् । तपाईं अघि बढ्नुस् ।
प्रसाईं ः है । अब तोसिमाले लडाईँ त गर्दिनन् नि ? तोसिमा कार्कीले तपाईँसँग ?
श्रेष्ठ ः हैन । गर्दिनन् गर्दिनन् । केही समस्या छैन । त्यो त्यो टिमले गरेपछि सक्कियो । हामीले त सब्बै रवि सरलाई म्यान्डेड दिएका छौं ।
प्रसाईं ः अँ ।
श्रेष्ठ ः उहाँले जस्लाई राख्नुभयो । राख्नुभयो त्यो ।
प्रसाईं ः ए । ल । अब फेरि यस्तो भयो नि त । तोसिमाले पैसा निकाल्न पनि सक्दिनन् । तोसिमाले पैसाको कुरा गर्न सक्दिन । किन भन्नु न ? गोविन्द केसीको मान्छे भन्या छ के उसले । कहिँ कुरै गर्न मिल्दैन ।
प्रसाईं ः उसँग डराउँछन् ।
श्रेष्ठ ः तिनी मन्त्री भइन् भने काम पनि छैन ।
प्रसाईं ः काम छैन ।
प्रसाईं ः हस् हस् भाइ । हस् हस् डाक्टर साब ।
प्रसाईं ः हस् हस् ल ल ।
श्रेष्ठ ः हस् हस् नमस्कार ।
