झापा, १२ चैत। शिवसताक्षी ११ का १५ वर्षीय रविन श्रेष्ठको होली मनाएर पौडी खेल्न जाँदा कनकाई नहरमा डुबेर मृत्यु भएको छ ।

आज दिउँसो साढे २ बजेतिर साथीहरुसंग पौडी खेल्न श्रेष्ठ नहरमा गएका थिए । नहरमा पस्नेबित्तिकै उनलाई बगाएको इलाका प्रहरी कार्यालय झिलझिलेका प्रहरी निरीक्षक अनिश बुढाथोकीले बताए ।

श्रेष्ठको शबलाई पानीबाट बाहिर निकाली पोस्टमार्टमको लागि प्रादेशिक अस्पताल भद्रपुर पठाइएको छ ।