२० वैशाख २०८१, बिहिवार
झापा, २ बैशाख । इरानले इजरायलमाथि मिसाइल हमला सुरु गरेको अन्तर्राष्ट्रिय सञ्चारमाध्यमहरुले जनाएका छन् ।
इजरायल र हमासबीचको जारी युद्ध बिस्तार हुँदै अब मध्यपूर्वभर फैलिने जोखिम बढेको छ ।
केही दिन अघि सिरियाको दोमस्कस्थित इरानी दूताबासमा इजरायलले हमला गर्दा केही उच्च कमान्डर समेतको मृत्यु भएको बदलामा इरानले यो हमला गरेको जनाइएको छ ।
बीबीसीका अनुसार आज विहानैदेखि इजरायलको जेरुसलाममा साइरन बजेको र विष्फोट भएको आवाज आइरहेको छ ।
एक खेपमा कमसेकम १०० वटा इरानी ड्रोन इजरायलभित्र घुसेर आक्रमण भइरहेको र मिसाइल प्रयोग भएको बताइएको छ ।
क्षतिको विवरण आइसकेको छैन । केही दिन अघिदेखि नै अमेरिका लगायतका पश्चिमा मुलुकले इरानबाट इजरायलमाथि आक्रमणको तयारी भइरहेको चेतावनी दिएका थिए ।
स्मरण रहोस्, इजरायल र इरानबीच शत्रुतापूर्ण सम्बन्ध रहँदै आएको छ ।
