२३ भदौ २०८१, आइतवार
झापा, २५ असार । झापामा मनसुनजन्य विपद्का कारण दुई व्यक्तिको मृत्यु भएको छ ।
झापा गाउँपालिका वडा नं २ मा रहेको सानो माइखोलामा डुबेर एकजना बालकको मृत्यु सोमवार भएको छ ।
मृत्यु हुनेमा झापा गाउँपालिका वडा नं २ सडकवाडी गाउँस्थित मुस्लिम बस्ती बस्ने रहमान आलमका अढाई वर्षका छोरा दिलसाद आलम रहेका छन् ।
घर नजिकको माईखोलामा डुवेर विहान ११ बजे ती बालकको मृत्यु भएको हो ।
यसैगरी बाह्रदसी वडा नं. २ मा अन्दाजी ५० वर्षको एक पुरुष पैनीमा डुबेको अवस्थामा मृत फेला परेका छन् ।
आइतवार राति १० बजेतिर स्थानीय गाउँलेले मृतकलाई देखेर प्रहरीलाई खबर गरेका थिए ।
