झापा, १६ फागुन । आयोजक भद्रपुर ब्लेजर्स आज समापन भएको भद्रपुर झापा गोल्ड कप फुटबल प्रतियोगिताको बिजेता बनेको छ ।
आज मेची रंगशालामा भएको फाइनल खेलमा झापा ११ लाई २–० को गोलअन्तरले पराजित गर्दै भद्रपुर ब्लेजर्सले शानदार जित निकालेको हो ।
भद्रपुरलाई जिताउन खेलको ३० औं मिनेटमा आशिष चापागाई र ९७ औं मिनेटमा सत्यम शर्माले गोल गरेका थिए ।
जितसँगै भद्रपुर झापा गोल्डकप फुटबल प्रतियोगिताबाट प्रतिष्पर्धाको मैदानमा उत्रिएको भद्रपुर ब्लेजर्स पहिलोपटक नै च्याम्पियन हुन सफल भएको छ ।
बिजेता बनेर भद्रपुर ब्लेजर्सले रु. १३ लाख र उपबिजेता झापा ११ टिमले रु. ७ लाख नगद पुरस्कार पाएका छन् ।
समापन अवसरमा प्रतिनिधिसभाका सभामुख देवराज घिमिरे प्रमुख अतिथि हुनुहुन्थ्यो ।
