झापा, २२ चैत । नेपाली सेनाको राहत टोलीले भूकम्प प्रभावित म्यानमारका घाइतेहरुको उपचार सुरु गरेको छ ।
नेपाली सेनाले आज सामाजिक सञ्जालमार्फत दिएको जानकारी अनुसार सेनाको टोली म्यानमारको मन्डले क्षेत्र अन्तर्गत यामेथिन सहरमा पुगेको छ ।
त्यहाँको अस्पतालमा भूकम्पबाट घाइते भएका विरामीहरु बग्रेल्ती रहेका छन् । सेनाले घाइतेहरुको जाँच र उपचार गरिरहेको तस्वीर सार्वजनिक गरेको छ ।