२३ चैत २०८१, आइतवार
झापा, २३ चैत । नेकपा माओबादी केन्द्र मेचीनगरको अध्यक्ष पदमा राजन चिमरिया सर्वसम्मत चयन हुनु भएको छ ।
पार्टीको आज धुलाबारीको पासाङ ल्हामू स्मृति सभाहलमा भएको नगर अधिवेशनको बन्द सत्रले चिमरियालाई नगर कमिटीको अध्यक्षमा पुनः चयन गरेको हो ।
अधिवेशनले नगर कमिटीको उपाध्यक्षमा जगतबहादुर विश्वकर्मा, मानबहादुर गिरी, लीला सुब्बा राजबंशी र मेनका घिमिरेलाई चयन गरेको छ ।
सचिवमा कृष्णराज सिटौला, सहसचिवमा तिलक थापा, कोबिलाल मेचे र ज्ञानेन्द्र सम्बाहाम्फे चयन हुनुभएको छ भने कोषाध्यक्षमा बसन्त राजबंशी चुनिनु भएको छ ।
चिमरियाको अध्यक्षतामा चयन भएको नगर कमिटी ५१ सदस्यीय रहेको छ ।
अध्यक्ष पदमा सर्वसम्मत चयन हुनुभएको राजन चिमरिया ऋतिका डेरी उद्योगका सञ्चालक र चारआली खानेपानी उपभोक्ता समितिका अध्यक्ष समेत हुनुहुन्छ ।
आजको अधिवेशन उद्घाटन कार्यक्रम अध्यक्ष चिमरियाकै अध्यक्षतामा भएको थियो । पार्टीका केन्द्रीय नेता अजम्बर काम्बाङ प्रमुख अतिथि रहनु भएको उद्घाटन कार्यक्रममा केन्द्रीय सदस्यहरु रञ्जित तामाङ र ज्योतिसिंह दर्लामी, नेकपा एकीकृत समाजबादीकी केन्द्रीय सदस्य सविता भण्डारी, पार्टीका झापा समन्वय समितिका संयोजक राजु आचार्य लगायतले शुभकामना मन्तब्य राख्नु भएको थियो
सो अवसरमा पार्टीको जनयुद्ध लगायत विभिन्न आन्दोनलका कालखण्डमा सहयोग पुर्याउनु हुने दर्जनौंलाई प्रमाणपत्र प्रदान गरेर सम्मान गरिएको थियो ।
हालै स्वतन्त्र विद्यार्थी युनियनको चुनामा अखिल क्रान्तिकारीका तर्फबाट बिजयी विद्यार्थी नेताहरुलाई समेत सो अवसरमा सम्मान गरिएको थियो ।
