२ जेठ २०८२, बिहिवार
झापा, १ जेठ । हल्दिबारी वडा नं. ५ त्रिवेणी चोकका ६५ वर्षीय मानबहादुर मगरको हावाहुरीमा आफ्नै घरले किचेर मृत्यु भएको छ ।
बुधवार राति १२ बजेतिर हल्दिबारी क्षेत्रमा ठूलो हावाहुरी आएको थियो । हावाहुरी थामिएपछि गाउँलेले मगरलाई घरको बिमले किचिएर मृत अवस्थामा फेला पारेको प्रहरीले जनाएको छ ।
मगरको काठको घर थियो । ओछ्यानमा सुतेकै स्थानमा उहाँको मृत्यु भएको थियो ।
झापामा बिगत तीन दिनयता अलग अलग स्थानमा बिनाशकारी हावाहुरी आइरहेको छ । हावाहुरीले मेचीनगरमा प्लाइउडको छाना उडाएको छ भने बाह्रदशीमा रु. ५१ लाखको केराखेती सोत्तर पारेर क्षति गरेको छ ।
