७ पुष २०८१, आइतवार
धुलाबारी, २० चैत । भानु बहुमुखी सहकारी संस्थाले आज व्यापक सहभागिताका साथ रक्तदान तथा स्वास्थ्य शिविर सम्पन्न गरेको छ ।
मेचीनगर–१० धुलाबारीस्थित संस्थाको परिसरमा भएको उद्घाटन कार्यक्रममा संस्थाका अध्यक्ष गोपाल चुडालले सहकारीले समुदायको हित र सेवामा विभिन्न गतिविधि सञ्चालन गर्दै आएको जानकारी दिनुभयो ।
वडाध्यक्ष नारायण खनाल र संस्थाकी व्यवस्थापक चन्दा सिटौलाले मन्तब्य ब्यक्त गर्नु भएको उक्त कार्यक्रममा वरिष्ठ फिजिसियन चिकित्सक डा. पिताम्बर ठाकुर, डा. पोषणरमण त्रिपाठी लगायतको उपस्थिति रहेको थियो ।
कार्यक्रममा वडाध्यक्ष खनालले समेत रक्तदान गर्नु भएको थियो भने ठाकुर र त्रिपाठीले विरामीहरुको स्वास्थ्य जाँच गर्नु भएको थियो ।
