८ मंसिर २०८१, शनिवार
मेचीनगर, १५ फागुन । नेपाल मगर संघ झापाले आज ४१ औँ मगर एकता स्थापना दिवस काँकरभिट्टामा भव्यरुपमा मनाउँदै छ ।
सोमबार संघले एकता स्थापना दिवसको अवसरमा काँकरभिट्टा स्थित देवकोटा पार्कमा वृहत सांस्कृतिक कार्यक्रमको आयोजना गरेको छ ।
‘विश्व भरिका मगरहरु एक जुट होऔँ’ भन्ने मुल नाराका साथ देवकोटा पार्कमा ४१ औँ मगर एकता स्थापना दिवस तथा वृहत सांस्कृतिक कार्यक्रम गर्न लागिएको संघका झापा अध्यक्ष विकास थापा मगरले जानकारी दिनुभयो ।
सांस्कृतिक कार्यक्रममा पंक्षी एण्ड सनब्रस्ट, नेपाल आइडल सिजन–४ का फस्ट रनरअफ नामगेल तामाङ, कौरा तथा हुर्रा नाच, महिलाहरुको समूहद्वारा पञ्चे वाजा, स्थानीय कलाकारहरुको समेत विभिन्न प्रस्तुति रहने अध्यक्ष थापाले बताउनुभयो ।
सहआयोजकका रुपमा नेपाल मगर विद्यार्थी संघ, नेपाल मगर महिला संघ र नेपाल मगर सांस्कृति संघ झापा रहेको छ ।
