९ मंसिर २०८१, आइतवार
मेचीनगर, २ भदौ । मेचीनगर वडा नं. ८ का ३५ वर्षीय सुन्दर किसानको हत्या परिवारकै नाता पर्नेहरुबाट भएको अनुसन्धानबाट पत्ता लागेको छ ।
गत बुधवार घर नजिक स्कुलमा फुटबल खेल हेर्न साँझ हिँडेका उहाँ घर नफर्किएपछि खोजी भएको थियो । शनिवार उहाँको लाश नजिकैको खेतको पैनीमा झाडीले छोपेको अवस्थामा भेटिएको थियो ।
प्रहरीले उक्त हत्यामा नाताले दाजु पर्ने रामजी किसान र सुनरसी किसानको संलग्नता रहेको अनुसन्धानबाट पत्ता लगाएको हो ।
हाल दुबै अभियुक्त प्रहरी हिरासतमा रहेका छन् । जिल्ला प्रहरी कार्यालय झापाका सूचना अधिकारी खगेन्द्र रिजालले घटनाको अनुसन्धान प्रगति बारे आजै तथ्यहरु सार्वजनिक गरिने बताउनुभयो ।
