२३ चैत २०८१, आइतवार
झापा, १३ माघ । शिवसताक्षी नगरपालिकाले आज शिवगञ्ज बजारमा फर्मालिन रसायनको प्रयोग गरिएको माछा फेला पारेपछि व्यापारीबाट जफत गरेको छ ।
तीन जना व्यापारीबाट ४४ केजी माछा जफत गरेको र खाल्डो खनेर पुरिएको नगरपालिकाले जनाएको छ ।
जफत गरिएको मरेका माछा भारतबाट आयातित गरेको पाइएको नगरपालिकाकी उपप्रमुख नरमाया कार्कीले बताउनुभयो ।
मरेका माछा बेच्न नगरपालिकाले गत साता नै प्रतिबन्ध लगाएको थियो ।
शिवगञ्ज बजारको भुटन चौधरीको पसलबाट २० केजी, उपेन्द्र सहनीको पसलबाट दुई केजी र दिपक साहको पसलबाट २२ केजी माछा जफत गरिएको थियो ।
