६ मंसिर २०८१, बिहिवार
झापा, ६ माघ । पश्चिमको नेपालगञ्ज विमानस्थलबाट उडेको श्रीएयरको विमान आज विहान चन्द्रगढी विमानस्थलमा अवतरण गरेको छ ।
आज बिहान करिब साढे ७ बजे उडेको श्री एयरलाइन्सको ४४० विमान ९ बजेर ६ मिनेटमा चन्द्रगढी विमानस्थलमा सकुशल उत्रिएको हो ।
सो विमान काठमाडौको मौसममा सुधार भएपछि भद्रपुरबाट काठमाडौ फर्किसकेको छ ।
बिहान काठमाडौंमा भिजिबिलिटी कम भएका कारण अवतरण हुन नसकेर चन्द्रगढी डाइभर्ट भएको हो ।
भिजिबिलिटी कम भएका कारण त्रिभुवन विमानस्थलबाट उडान प्रभावित भएको छ ।
यसैगरी, क्वालालम्पुरबाट आजै विहान आएको अर्को जहाज पनि काठमाडौंमा अवतरण गर्न नसकेर कोलकाता फर्किएको छ ।
