१० मंसिर २०८१, सोमवार
झापा, ३ मंसिर । इलामको रोङ गाउँपालिकाको अर्याल चोक नजिकै यात्रुवाहक बस दुर्घटना हुँदा एक बालकको मृत्यु भएको छ ।
इलामका प्रहरी प्रमुख एसपी वासुदेव खतिवडाले अन्दाजी ९/१० वर्षको बालकको मृत्यु भएको बताए ।
धनुषाबाट भ्रमणमा आएको ना ४ ख ८४२४ नम्बरको बस दुर्घटना भएको हो ।
दुर्घटनामा ४० जना घाइते भएका छन् । बसमा सवार सबै यात्रु घाइते भएका हुन् ।
बस सडकदेखि करिब ३ सय मिटर तल झरेको बताइएको छ । दुर्घटना सवा पाँच बजेतिर भएको हो ।
धनुषाको धारापानीबाट इलाम घुम्न आएको टोली दुर्घटनामा परेको हो । उद्दार कार्य जारी छ । केही घाइतेको उद्दार गरी झापाको बीएन्डसी लगायतका अस्पतालमा पुर्याइउको बताइएको छ । विस्तृत विवरण आउन बाँकी छ ।
