झापा, १३ जेठ । काँकरभिट्टा खानेपानी उपभोक्ता तथा सरसफाई संस्थाको यही जेठ २६ गते हुने निर्वाचनमा १२ सिटका लागि ३४ जना उम्मेद्वार मैदान उत्रिएका छन् ।
आठ हजार मतदाता भएको यस निर्वाचनलाई मेचीनगरको मिनी स्थानीय निर्वाचन नै मानिएको छ । यहाँ मेचीनगरको २, ३, ४, ५, ६, ७ र ८ गरी सात वटा वडाका मतदाता रहेका छन् ।
निर्वाचन समितिका संयोजक राजु कार्कीका अनुसार आज उम्मेद्वारहरुले मनोनयन दर्ता सम्पन्न भएको छ । जस अनुसार अध्यक्ष पदमा सुदर्शन खड्का, सन्तोष आचार्य र रोहित बुढाथोकीले नाम दर्ता गर्नु भएको छ ।
खड्काले रास्वपाको एकल प्यानलबाट, आचार्यले एमाले नेतृत्वको प्यानलबाट र बुढाथोकीले कांग्रेस नेतृत्वको प्यानलबाट उम्मेद्वारी दर्ता गर्नु भएको हो ।
यो निर्वाचनमा राजनीतिक दलहरुको तीन वटा प्यानल निर्माण गरेका छन् । नेकपा एमाले नेतृत्वको प्यानलमा जनता समाजबादी पार्टी छ भने नेपाली कांग्रेस नेतृत्वको प्यानलमा नेकपा माओबादी केन्द्र, नेकपा एकीकृत समाजबादी र राष्ट्रिय प्रजातन्त्र पार्टी रहेको छ ।
निर्वाचन समितिले आजै प्रकाशित गरेको उम्मद्वारको नामावली हेर्नुहोस्–
