६ मंसिर २०८१, बिहिवार
मेचीनगर, १३ असार । मेचीनगरमा एउटा हात्ती आज मृत फेला परेको छ ।
मेचीनगर–३ सुकेनिन्दा खोलाको किनारमा मरेको अवस्थामा भाले हात्ती स्थानीयबासीले विहान ७ बजेतिर फेला पारेको प्रहरीले जनाएको छ ।
मेचीनगर सब डिभिजन कार्यालय धाइजनबाट फिल्ड अफिसर कर्ण विश्वकर्माको नेतृत्वमा बन कार्यालयको टोली घटनास्थलमा पुगेर अनुसन्धान गरिरहेको प्रहरीले जनाएको छ ।
बन कार्यालयको टोलीभन्दा पहिल्यै प्रहरी पुगिसकेको छ । स्थानीयबासीले मरेको हात्तीलाई अगरबत्ती र फूलमालाले पूजापाठ गरिरहेका छन् ।
हात्तीको पोस्टमार्टम जाँचका लागि कोशी टप्पु बन्यजन्तु आरक्षबाट विज्ञ टोलीलाई झिकाइएको बताइएको छ ।
मेचीनगर–१२ मा गत बैशाखको पहिलो साता अर्को हात्ती पनि मृत भेटिएको थियो । त्यसबेला फेला परेको हात्तीको दाह्रा अज्ञात समूहले काटेर लगेको थियो ।
