भक्तपुर । नेपाल अाँखा कार्यक्रम तिलगंगा अाँखा प्रतियठानका बरिष्ठ नेत्र रोग विषेशज्ञ तथा अकुलर अंकोलाजी तथा अकुलोप्लाष्टी विभाग प्रमुख डा. पुर्णिमा राज कर्णिकार स्थापितद्घारा ख्वप तिलगंगा अाँखा अस्पताल भक्तपुरमा अकुलोप्लाष्टी रोग सम्बन्धि शल्यक्रिया सफलताका साथ पहिलो पटक सम्पन्न भएको छ । सो एकदिने शल्यक्रियामा ख्वप तिलगंगा अाँखा अस्पतालका मेडिकल डाईरेक्टर डा. सुदीपलाल राजभण्डारीसमेतले शल्यक्रियामा भाग लिएको थियो ।
डिसिआर, डिसिटी, लिड मास, इन्टोपिअन जस्ता शल्यक्रिया गर्नुपर्ने बिरामीहरुले उक्त दिन शल्यक्रिया गराएका थिए । अबका दिनमा अकुलोप्लाष्टी सम्बन्धि शल्यक्रिया गर्नुपर्ने बिरामीहरुले ख्वप तिलगंगा अाँखा अस्पतालबाटै शल्यक्रिया सुबिधा नियमित रुपमा पाउने जनाइएको छ ।
सामुदायिक अाँखा केन्द्रको रुपमा भक्तपुर नगरपालिका, तिलगंगा अाँखा प्रतिष्ठानबिचको सहकार्य र हिमालय क्याटरयाक्ट परियोजनाको आर्थिक सहयोगमा नेपाल अाँखा कर्यक्रम, तिलगंगा अाँखा प्रतिष्ठान गौशालाको शाखाको रुपमा सन् २००६ मा स्थापना भएको हो । अाँखा केन्द्रले सेवा शुरु गरेको १३ बर्षपछि अर्थात सन २०१९ मा स्ट्यान्डर्ड चार्टर्डको सिइङ इज बिलिभिङ कार्यक्रमकोे सहयोगमा अाँखा केन्द्रको स्तरउन्नती भई ख्वप तिलगंगा अाँखा अस्पताल परिणत भएको थियो ।
अस्पतालले ख्वप अस्पतालको चौथो तलाबाट दैनिक बिहान ८ बजेदेखि बेलुका ४ः३० बजेसम्म सेवा दिदै आएको छ । अस्पतालले बाह्य कार्यक्रम अन्तर्गत एकदिने समुदायलाई लक्षित गरी सामुदायिक आँखा शिविर र बिद्यालयलाई लक्षित गरी बिद्यालय अाँखा जाँच शिविर संचालन गर्दै आएको छ । एकजना नेत्र रोग बिशेषज्ञसहित १८ जना कर्मचरीबाट सेवा दिदै आएको अस्पतालमा हालसम्म ४ लाख भन्दा बढी सेवाग्राहिले सेवा लिइसकेको आँखा अस्पतालका ईन्चार्ज धिरज अधिकारीले बताए । आगामी दिनहरुमा अाँखा सम्बन्धि सेवाहरु अझै थप्दै जाने र बिशिष्टिकृत सेवाहरु पनि ख्वप तिलगंगा अाँखा अस्पतालबाटै उपलब्ध गराउने योजना रहेको उनले बताए ।
