३ मंसिर २०८१, सोमवार
काठमाडौं । चन्द्रागिरी नगरपालिका-१३ नैकाप ठकुरी गाउँबाट नियन्त्रित लागूऔषध ट्रामाडोल ३५ ट्याब्लेट, चक्कु १ थान, हातमा प्रयोग हुने नग १ थान र हतौडा १ थान सहित सोही ठाउँ डेरा गरी बस्ने सिन्धुली तिनपाटन गाउँपालिका घर भएका १९ वर्षीय जिवन परियारलाई गए राति प्रहरीले पक्राउ गरेको छ ।
प्रहरी प्रभाग नैकापबाट खटिएको प्रहरीले उनलाई उक्त लागूऔषध सहित पक्राउ गरेको हो ।
झापा, भद्रपुर नगरपालिका-३ झोलुङ्गे पुलस्थित सडकबाट अवैध लागूऔषध ब्राउनसुगर जस्तो देखिने पदार्थ ३ ग्राम ९ सय १० मिलिग्राम सहित सोही नगरपालिका-३ बस्ने २७ वर्षीय विनायक थुलुङलाई आइतबार दिउँसो प्रहरीले पक्राउ गरेको छ । प्रहरी चौकी मेचीपारी र वडा प्रहरी कार्यालय भद्रपुरबाट खटिएको प्रहरीले भारतबाट नेपालतर्फ आउँदै गरेका उनलाई उक्त पदार्थ सहित पक्राउ गरेको हो ।
कैलाली, धनगढी उपमहानगरपालिका-३ त्रिनगर ब्यारेल नजिक सडकबाट अवैध लागूऔषध ब्राउनसुगर जस्तो देखिने पदार्थ ६ सय १ मिलिग्राम सहित धनगढी उपमहानगरपालिका-१ त्रिवेणी चोक डेरा गरी बस्ने डोटी दिपायल सिलगढी नगरपालिका-६ घर भएका १८ वर्षीय किशोरलाई आइतबार दिउँसो प्रहरीले पक्राउ गरेको छ । वडा प्रहरी कार्यालय धनगढीबाट खटिएको प्रहरीले उनको कोठामा तलासी गर्दा उक्त पदार्थ फेला पारी उनलाई पक्राउ गरेको हो ।
जुम्ला, चन्दननाथ नगरपालिका-६ बसपार्कस्थित सडकबाट अवैध लागूऔषध चरेश जस्तो देखिने पदार्थ करिब ४ सय ६० मिलिग्राम सहित चन्दननाथ नगरपालिका-९ बस्ने १८ वर्षीय किशोरलाई सोमबार दिउँसो प्रहरीले पक्राउ गरेको छ । जिल्ला प्रहरी कार्यालय जुम्लाबाट खटिएको प्रहरीले उनलाई उक्त पदार्थ सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
