झापा, ७ पुस । भरत भूर्तेल स्मृति पत्रकारिता पुरस्कारबाट ताप्लेजुङका पत्रकार प्रयास लिम्बु सम्मानित हुनु भएको छ ।
पवित्रा भेषराज खतिवडा स्मृति प्रतिष्ठान झापाले एक कार्यक्रमबीच उक्त पुरस्कार प्रदान गरेको हो ।
प्रसिद्ध खाद्य विश्लेषक डा. अरुणा उप्रेतीले शनिवार बुद्धशान्तिमा आयोजित कार्यक्रममा पत्रकार लिम्बुलाई रु. ५१ हजार नगद पुरस्कार र प्रमाणपत्र प्रदान गर्नु भयो ।
दुर्गम जिल्ला ताप्लेजुङमा रहेर पत्रकारिता क्षेत्रमा पुर्याइरहेको योगदानको उच्च मूल्यांकन गर्दै पुरस्कार प्रदान गरिएको निर्णायक रहनु भएको नेपाल पत्रकार महासंघका पूर्व महासचिव चन्द्र भण्डारीले बताउनुभयो ।
