झापा । शिक्षणलाई सहज बनाउने उद्देश्यले आज मेचीनगर-१३ स्थित त्रिदेव बहुमुखी क्याम्पसका शिक्षकहरूलाई आर्टिफिसियल इन्टेलिजेन्स (एआई) सम्बन्धी तालिम प्रदान गरिएको छ ।  

पब्लिक क्याम्पस प्राध्यापक संघ इकाइले आयोजना गरेको तालिममा स्नातक र स्नातकोत्तर तहमा अध्यापन गर्ने शिक्षकहरूको सहभागिता थियो  । 

तालिमको सहजीकरण नेपाल प्रेस  इन्स्टिच्यूटका प्रशिक्षक लीलाराज भट्टराईले गर्नुभएको थियो । पहिलो पटक आयोजना गरिएको तालिमले शिक्षणलाई सहज, डिजिटल र स्मार्ट बनाउन सहयोग पुग्ने क्याम्पसका निमित्त प्रमुख तेजप्रसाद खनालले बताउनुभयो।  

उनले तालिममा सिकेका सीपलाई व्यवहारमा प्रयोग गरेर शिक्षण थप प्रभावकारी हुने अपेक्षा गरेको बताउनुभयो । उनले भने, “एआई को सही प्रयोगले शिक्षाको गुणस्तर उकास्न मद्दत पुग्ने रहेछ ।”