अहिले भर्खरै
झापा, ७ माघ । बुद्धशान्ति–४ हापेनचोकस्थित मेची राजमार्गमा आज दिउँसो भएको सवारी दुर्घटनामा स्थानीय २७ वर्षीया अमृता तामाङको मृत्यु भएको छ ।
बुधवारेबाट उत्तरतर्फ जाँदै गरेको प्र१०१००२ह३६३ नम्बरको टेम्पो (अटो रिक्सा) र इलामबाट आउँदै गरेको प्र१०१००१ज३८५१ नम्बरको बोलेरो हापेनचोकमा आज पौने ११ बजेतिर ठोक्किएका थिए ।
टेम्पोमा सवार अमृतालाई घाइते अवस्थामा उपचारका लागि प्रादेशिक अस्पताल भद्रपुर लगिएकोमा चिकित्सकहरुले मृतक घोषणा गरेका थिए ।
दुर्घटनामा मेचीनगर वडा नं. १२ का ४० वर्षीय दिलकुमार थामी, बुद्धशान्ति वडा नं. ४ की २१ वर्षीया कृतिका तामाङ र ४१ वर्षीया म१ञ्जु तामाङ घाइते भएका छन् ।
घाइतेहरुको उपचार बुधवारेको भगिरथा बुद्धशान्ति अस्पतालमा भइरहेको छ । तीब्र गतिमा रहेको टेम्पोको कारण दुर्घटना भएको प्रहरीको प्रारम्भिक अनुमान छ । टेम्पो चालक अजय मोक्तानलाई पनि प्रहरीले नियन्त्रणमा लिएको छ ।
