२२ चैत २०८१, शनिवार
झापा, ६ फागुन । मेचीनगर नगरपालिकाको प्रेस संयोजकमा पत्रकार अर्जुन कार्की नियुक्त हुनु भएको छ ।
नगरपालिकाको आज सम्पन्न कार्यपालिका बैठकले मेचीनगर अनलाइनका सम्पादक कार्कीलाई प्रेस संयोजकको जिम्मेवारी दिने निर्णय गरेको नगरपालिकाका प्रवक्ता दिपक बरालले बताउनुभयो ।
यसअघि पत्रकार युवराज आचार्यले प्रेस संयोजकको जिम्मेवारी सम्हाल्दै आउनु भएको थियो । आचार्यले कार्य व्यस्तताको कारण जनाउँदै राजीनामा दिनु भएपछि उहाँको स्थानमा कार्कीलाई जिम्मेवारी तोक्ने निर्णय भएको प्रवक्ता बरालले जानकारी दिनुभयो ।
बिगत दुई दशकदेखि पत्रकारितामा क्रियाशील कार्की मेचीनगर वडा नं. ६ निवासी हुनुहुन्छ । उहाँले लोकतन्त्र पोस्ट, जनसंसद् दैनिक, जनान्दोलन साप्ताहिक लगायतका सञ्चारमाध्यमहरुमा सम्पादकीय जिम्मेवारी वहन गरिसक्नु भएको छ ।
