२० चैत २०८१, बिहिवार
झापा, १५ फागुन । मेचीनगरको वडा नं. १५ मा वडा कार्यालयको नयाँ भवन बन्ने भएको छ ।
नगरप्रमुख गोपाल बुढाथोकी, उपप्रमुख मीना उप्रेती र वडाध्यक्ष गुणराजा भट्टराईले भवनको आज शिलान्यास गर्नुभयो ।
हाल तत्कालीन ज्यामिरगढी गाविसको पुरानो भवनबाट वडाको कार्य हुने गरेको छ ।
शिलान्यास कार्यक्रममा प्रमुख प्रशासकीय अधिकृत अग्निप्रसाद अधिकारी, वरिष्ठ प्रशासकीय अधिकृत अनन्तप्रकाश वस्ती, पूर्वाधार विकास शाखा प्रमुख रोशन रिमाल लगायतको उपस्थिति रहेको थियो ।
वडाध्यक्ष भट्टराईले नयाँ भवन दुई तलाको हुने बताउनुभएको छ । भवनमा नौ वटा कोठा रहने छन् ।
आगामी २०८२ असार १० गते निर्माण कार्य सम्पन्न हुने गरी रु. ६१ लाख २९ हजार ४४५ रुपैयाँमा दुर्गामाता निर्माण सेवाले भवनको ठेक्का लिएको छ ।
