२२ चैत २०८१, शनिवार
झापा, २० फागुन । मेचीनगरमा क्रियाशील प्रतिष्ठानहरुले आज नगरप्रमुख गोपाल बुढाथोकीलाई भेटेरै नगरस्तरीय प्रतिष्ठानको माग गरेका छन् ।
संस्थाका अध्यक्ष तथा प्रतिनिधिहरुले साहित्य, कला, संंस्कृति, संगीत लगायतको विकास र जगेर्नाका लागि मेचीनगरमा नगरस्तरीय स्वायत्त प्रतिष्ठान स्थापना हुनुपर्ने माग गरेका हुन् ।
लाल भागीरथा बानियाँ प्रतिष्ठानका अध्यक्ष हरिचरण बानियाँको अगुवाईमा मेचीनगरका क्रियाशील प्रतिष्ठानहरुले नगरप्रमुख बुढाथोकीलाई माग पत्र बुझाउनु भएको थियो ।
माग पत्रमा सहिद विश्वनाथ घिमिरे स्मृति प्रतिष्ठानका अध्यक्ष राम कट्टेल, साहित्यकार तेराख प्रतिष्ठानका अध्यक्ष शिवकुमार पौड्याल, पवित्रा भेषराज खतिवडा स्मृति प्रतिष्ठानका अध्यक्ष छविलाल खतिवडा, सहिद वीरेन स्मृति प्रतिष्ठानका अध्यक्ष पदम गौतम, सुसेली साहित्यिक परिवारका अध्यक्ष पुण्यप्रसाद खरेल, पुण्यप्रसाद न्यौपाने स्मृति प्रतिष्ठानका अध्यक्ष कमलप्रसाद न्यौपाने, रण खड्ग खवास फाउन्डेसनका अध्यक्ष भीम खवास, गोवा हरिनारायण भाग्य रुपा सिग्देल स्मृति प्रतिष्ठानका अध्यक्ष लक्ष्मीप्रसाद सिग्देल लगायतको हस्ताक्षर रहेको थियो ।
