२० चैत २०८१, बिहिवार
झापा, २० फागुन । प्रेस सेन्टर नेपालले आज विर्तामोडमा आयोजना गरेको समारोहमा संगठनको जिल्ला समितिको पद हस्तान्तरण र सुखानी विशेषांकको विमोचन कार्यक्रम सम्पन्न भएको छ ।
प्रेस सेन्टरको झापा अध्यक्षमा पुष्प खड्का र कार्यसमितिका पदाधिकारी तथा सदस्यहरुलाई पहिलेको समितिले पद हस्तान्तरण गरेको हो । पूर्व अध्यक्ष राजु पाठकले नवनिर्वाचित अध्यक्ष खड्कालाई माइन्यूट हस्तान्तरण गर्नु भएको थियो ।
उक्त कार्यक्रममा पत्रकार राजु पाठकद्वारा सम्पादित ‘सुखानी साप्ताहिक’को सुखानी बिषेशांक बिमोचन गरिएको थियो ।
प्रमुख अतिथि प्रेस सेन्टर नेपालका केन्द्रीय अध्यक्ष बिष्णु सापकोटा (जुगल), विशिष्ट अतिथि नेकपा माओवादी केन्द्रका केन्द्रीय सदस्य तथा झापा इञ्चार्ज रञ्जित तामाङ, जिल्ला संयोजक राजु आचार्य अग्नी, प्रेस सेन्टर नेपालका केन्द्रीय उपाध्यक्ष विवेक गौतम, नेपाल पत्रकार महासंघ कोशी प्रदेश समितिकी उपाध्यक्ष अम्बिका भण्डारी, नेपाल प्रेस युनियन झापा अध्यक्ष गिरीराज भट्टराई, प्रेस चौतारी नेपाल झापा अध्यक्ष प्रदिप परियार, सुखानी सन्देशका सम्पादक चुडामणि वशिष्ठ लगायतले विशेषांकको विमोचन गर्नु भएको थियो ।
कार्यक्रमका प्रमुख अतिथि सापकोटा, विशिष्ट अतिथि रन्जित तामाङ, माओवादी केन्द्रीय सदस्य झलकशिह दर्लामी, पार्टीका कोशी प्रदेश उपाध्यक्ष विजय साम्पाङ, प्रेस सेन्टर नेपालका केन्द्रीय उपाध्यक्ष विवेक गौतम, नेपाल पत्रकार महासंघ झापाका उपाध्यक्ष सुब्रत न्यौपाने, नेपाल प्रेस युनियन झापाका अध्यक्ष गिरिराज भट्टराई, प्रेस चौतारी नेपाल झापाका अध्यक्ष प्रदीप परियार, नारी सञ्चार गृह झापाकी अध्यक्ष रेजिना गौतम, सुखानी सामुदायिक वन उपभोक्ता समुहका उपाध्यक्ष बिपिनकुमार चौहानलगायतले मन्तब्य ब्यक्त गर्नु भएको थियो ।
नेपाल पत्रकार महासंघ कोशी प्रदेश उपाध्यक्ष अम्बिका भण्डारी र सुखानी सन्देशका सम्पादक चुडामणि बशिष्ठले बिशेषांकको समीक्षात्मक चर्चा गर्नु भएको थियो ।
सेन्टरका अध्यक्ष पुष्प खड्काको अध्यक्षतामा सम्पन्न कार्यक्रममा उपाध्यक्ष सन्तोष शर्माले स्वागत र सचिव प्रकाश उप्रेतीले सञ्चालन गर्नु भएको थियो ।
