२० चैत २०८१, बिहिवार
झापा, २० चैत । शिवसताक्षीको दूधे–शिवगञ्ज सडक अन्तर्गत दुधे बजारबाट दक्षिण ७५० मिटर सडकमा कालोपत्रे गरिएको छ ।
साविकको सानो सडकलाई १० मिटर चौडा गरेर कालोपत्रे गरिएको नगरप्रमुख मेघाहाङ्ग थोप्राले बताउनुभयो ।
शिवसताक्षी नगरपालिकाले भ्याट सहित रु. एक करोड १३ लाख ७१ हजार २५२ मा उक्त सडक निर्माण सम्पन्न गरेको हो ।
उक्त सडक नगरपालिका हुँदै भारतको सिमानासम्म जाने भएकाले सवारीको चापलाई मध्यनजर गर्दै चौडा गरिएको उहाँले बताउनु भयो ।
यसैगरी, शिवसताक्षीको गौरवको सडक अन्तर्गत नगरको वडा नं. ३ र ४ जोड्ने एक हािलोमिटर ४७० मिटर सडक पनि कालोपत्रे भएको छ । जसको चौडा साढे ५ मिटर रहेको छ ।
वडा नं. २ स्थित कमल खोला पूर्व मोती माध्यमिक विद्यालयसम्म निर्माणाधीन सडक पनि कालोपत्रे भएको छ ।
नगरपालिकाको रु. ४४ लाख २१ हजार ९८५ बजेटबाट सडकको कालोपत्रे सम्पन्न भएको हो । सडकको लम्बाई ५५० मिटर चौडा साढे पाँच मिटर रहेको शिवसताक्षी नगरपालिकाले जनाएको छ ।
शिवसताक्षी नगरपालिकाकी उपप्रमुख तथा अनुगमन समितिकी संयोजक नरमाया कार्कीले निर्माण सम्पन्न भएका सडकहरु तोकिएको मापदण्ड अनुसार गुणस्तरीय भएको बताउनुभयो ।
