झापा, १३ भदौ । मेचीनगर नगरपालिका वडा नं. १० निवासी प्रहरी सहायक निरीक्षक (असई) इन्द्रबहादुर भुजेलको आज अचानक लडेर मृत्यु भएको छ ।

ताप्लेजुङ जिल्ला प्रहरी कार्यालयको कन्ट्रोल रुममा कार्यरत उहाँ आज बिहान ८ः१७ बजेतिर ड्यूटीकै क्रममा शौचालय जाँदै गर्दा अचानक लड्नु भएको थियो ।

तत्कालै उपचारका लागि ताप्लेजुङ जिल्ला अस्पताल लगिएकोमा उपचारकै क्रममा विहान ९ः५५ बजेतिर उहाँको मृत्युु भएको हो ।

उहाँकी श्रीमती बिनिता शेर्पा पनि इलाका प्रहरी कार्यालय धुलाबारीमा कार्यरत प्रहरी सहायक निरीक्षक नै हुनुहुन्छ ।

विहानै यो खबर फैलिएपछि धुलाबारीमा शोक छाएको छ ।