८ मंसिर २०८१, शनिवार
मेचीनगर, २५ फागुन । नारी दिवसको अवसरमा रोटरी क्लब अफ मेचीनगरद्वारा आयोजित वक्तित्वकला प्रतियोगितामा इस्ट होराइजनका दुई जना विद्यार्थी प्रथम र दोस्रो भएका छन् ।
“सकारात्मक सोच, सुन्दर परिकल्पना, शान्तिपूर्ण समाजका लागि सफल योजना” विषयक अन्तरविद्यालय वक्तित्वकला प्रतियोगितामा इस्ट होराइजन मावि कक्षा १२ का छात्र प्रवेश दाहाल प्रथम र कक्षा ९ कि छात्रा श्रेया शिवाकोटी दितिय भएकी छन् ।
त्यस्तै धुलाबारी माविका विद्यार्थी तृतिय भएका छन् । प्रतियोगिताका विजेतालाई नगदसहित सम्मान गरिएको थियो ।
मेचीनगर नगरपालिकाकी उपमेयर मीना पोखरेल उप्रेतीको प्रमुख आतिथ्यतामा भएको कार्यक्रममा इस्ट होराइजन माविका प्रिन्सिपल सञ्जीव राई लगायतले शुभकामना मन्तव्य व्यक्त गरेका थिए ।
कार्यक्रममा समाजसेवीहरु सविता भण्डारी भेटवाल, नयन बराल लगायत मेचीनगरका विभिन्न विद्यालयका शिक्षक तथा विद्यार्थीहरुको उपस्थिति रहेको थियो ।
रोटरी क्लब अफ मेचीनगरका अध्यक्ष अनन्तप्रकाश वस्तीको अध्यक्षता, कार्यक्रमको औचित्य माथि प्रकाश क्लबका निवर्तमान अध्यक्ष कपिल क्षेत्रीले गरेका थिए ।
कार्यक्रमको सञ्चालन क्लबका भाइस प्रेसिडेन्ट शर्मिला पाठक तथा विद्यार्थीद्वय दिक्षा कटवाल र अञ्जु मोक्तानले गरेकी थिइन् ।
