१५ पुष २०८१, सोमवार
झापा, १२ मंसिर । भारतको उत्तरकाशीमा सुरुङभित्र फँसेका कामदारलाई १७ दिनपछि आज साँझ सकुशल उद्धार गरिएको छ ।
उद्धार टोलीले आज राति साढे ८ बजेतिर पहिलो व्यक्तिलाई सुरुङबाट सकुशल बाहिर निकाल्न सफल भएका थिए । त्यसपछि लगातार अरु व्यक्तिलाई बाहिर निकालिएको हो ।
तिहारको भाइटिकाका दिन पहिरो खस्दा ४१ जना कामदार सुरुङभित्र थुनिएका थिए । उनीहरुलाई यतिका दिनसम्म सुरुङभित्र अक्सिजन, पानी र खाना पाइपबाट पठाएर बचाइएको थियो ।
पहिरो जाँदा कामदारहरु रहेको ६० मिटर लामो सुरुङभित्र ढुंगामाटो भरिएको थियो । त्यसलाई खनेर पाइप पठाइएको थियो । त्यही पाइपबाट उनीहरुलाई बाहिर निकालिएको हो ।
