२ कार्तिक २०८१, शुक्रवार
झापा, ३१ असार । प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका गर्नुभएको छ । नवनियुक्त मन्त्रीहरुलाई राष्ट्रपति रामचन्द्र पौडेलले आजै पद तथा गोपनियताको शपथ खुवाउनुभएको छ ।
मन्त्रिपरिषदमा कांग्रेस र एमाले सहित ४ वटा दलको प्रतिनिधित्व रहेको छ । कांग्रेसबाट १० जना, एमालेबाट ८ जना, जसपा नेपालबाट २ जना, लोसपाबाट एक जना मन्त्री बनेका छन् ।
मन्त्रीहरुमा प्रकाशमान श्रेष्ठ उपप्रधानमन्त्री तथा शहरी विकासमन्त्री, विष्णु पौडेल उपप्रधानमन्त्री तथा अर्थमन्त्री, पृथ्वी सुब्बा गुरुङ सञ्चारमन्त्री, रमेश लेखक गृहमन्त्री, शरदसिंह भण्डारी श्रम, रोजगार तथा सामाजिक सुरक्षा, डा. आरजु देउवा परराष्ट्रमन्त्री, प्रदीप यादव खानेपानीमन्त्री, बलराम अधिकारी भूमि व्यवस्था मन्त्री,दामोदर भण्डारी उद्योग मन्त्री, नवलकिशोर शाहः महिला तथा बालबालिकामन्त्री, देवेन्द्र दाहाल भौतिक पूर्वाधारमन्त्री, तेजुलाल चौधरी युवा तथा खेलकुदमन्त्री, प्रदीप पौडेल स्वास्थ्य तथा जनसंख्यामन्त्री,अजय चौरसिया कानूनमन्त्री, बद्रीप्रसाद पाण्डे, संस्कृति, पर्यटन तथा नागरिक उड्डयनमन्त्री, रामनाथ अधिकारी कृषिमन्त्री, विद्या भट्टराईः शिक्षामन्त्री, मानवीर राईः रक्षामन्त्री, दिपक खड्का उर्जा, राजकुमार गुप्ता संघीय व्यवस्थामन्त्री र ऐनबहादुर शाही ठकुरी बनमन्त्री बनेका छन् ।
