१७ माघ २०८१, बिहिवार
झापा, १६ माघ । सहिद दिवसको अवसरमा आज ज्यामिरगढी र धुलाबारीमा प्रगतिशील युवा क्लवको अगुवाईमा श्रद्धाञ्जलि कार्यक्रम सम्पन्न भएको छ ।
मेचीनगर वडा नं. १५ विचार्नीस्थित सहिद वीरेन राजबंशी स्मृति प्रतिष्ठानमा विहान श्रद्धाञ्जलि सभाको आयोजना गरिएको थियो भने साँझ मेचीनगर वडा नं. १० को धुलाबारी चोकमा दीप प्रज्ज्वलन गरिएको थियो ।
झापा विद्रोहका सहिद वीरेन राजबंशीको सालिकमा माल्र्यापणपछि भएको कार्यक्रममा प्रमुख अतिथि मेचीनगर नगरपालिकाका सामाजिक विकास समितिका प्रमुख हृदय राजबंशी, अतिथि एवम् धुलाबारी क्याम्पसका अध्यक्ष भीम खवास, वीरेन स्मृति प्रतिष्ठानका अध्यक्ष पदमलाल गौतम र वडाध्यक्ष गुणराज भट्टराईले सहिदको बलिदानकै कारण आज स्वतन्त्रतापूर्वक हिँड्न, बोल्न र विकास गर्न पाइएको धारणा व्यक्त गर्नु भएको थियो ।
उक्त अवसरमा सहिद वीरेन राजबंशीको योगदान र राजनीतिक जीवनको चर्चा गरिएको थियो । क्लवका सदस्य नविन राजबंशीले स्वागत मन्तब्य ब्यक्त गर्नु भएको कार्यक्रमको अध्यक्षता मेचीनगर वडा नं. १० का वडा सदस्य एवम् क्लवको अध्यक्ष विशाल कार्कीले गर्नु भएको थियो ।
साँझ क्लवको अगुवाईमा विभिन्न संघ संस्थाले दीप प्रज्ज्वलन गर्दै सहिदप्रति श्रद्धा अर्पण गरेका थिए ।
