२२ चैत २०८१, शनिवार
काठमाडौ, फागुन ०६ । विशाल बजार कम्पनी लिमिटेडले यसपटक १४ प्रतिशत लाभांश वितरण गर्ने भएको छ । कम्पनीले उक्त लाभांश प्रस्ताव पारित गर्न फागुन २८ गते साधारण सभा बोलाएको छ ।
यस कम्पनीको गत माघ २८ गते बसेको सञ्चालक समिति बैठकले १४ प्रतिशत अन्तरिम नगद लाभांश (कर सहित) दिने निर्णय गरेको हो ।
सभा त्रिभुवन आर्मी अफिसर क्लब, सन्धार, काठमाडौंमा बिहान ११ बजे सुरु हुनेछ । सभामा लाभांश प्रस्ताव पेश हुनेछ ।
साथै, आर्थिक वर्ष २०७०–७१ देखि २०७५–७६ सम्मको वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०८०–८१ र २०८१–८२ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।
सभाले सर्वसाधरण सेयरधनीको तर्फबाट १ जना सञ्चालक पनि नियुक्ति गर्नेछ । सभा प्रयोजनार्थ कम्पनीले फागुन ९ गते शुक्रबार बुक क्लोज गर्दैछ । तसर्थ फागुन ८ गते बिहीबारसम्म कायम सेयरधनीले लाभांश प्राप्त गर्न सक्नेछन् ।
