२२ चैत २०८१, शनिवार
झापा, ११ फागुन । मेचीनगर वडा नं. १३ को चारआली बजार प्रवेश गर्न खोज्ने एउटा हात्तीलाई सुरक्षाकर्मीले घेराबन्दी गरेर रोकेका छन् ।
आज विहान ८ बजेतिर आँखा कम देख्ने एउटा ढोई हात्ती पूर्वपश्चिम राजमार्गको उत्तरतिर देखा परेको थियो । बजार र राजमार्गतिर नजाओस् भनेर बन रक्षक र नेपाल प्रहरीको टोलीले पाउँ पाथिभरा मन्दिर नजिकै छेकेर रुङिरहेका छन् ।
हात्तीलाई घेराबन्दी गर्न २० जना सुरक्षाकर्मी परिचालन गरिएको छ । हात्ती एकैठाउँमा उभिएको देखिन्छ ।
राजमार्गमा हात्तीको फोटो र भिडियो खिच्नेको भीड छ । रमिते सर्वसाधारणको लर्को लागेको हुँदा हात्ती थप आक्रामक हुने हो कि भनेर सुरक्षाकर्मीहरु चिन्तित छन् ।
हात्ती रहेको ठाउँबाट चारआली बजार र पाउँ पाथिभरा मन्दिर ५० मिटर नजिक छ ।
